लेख विवरण

काठमाडौं बैशाख ११ गते। सिटीजन्स बैंकको मुख्य प्रायोजन तथा काठमाडौं जिल्ला टेनिस संघको आयोजनामा १२ औं सिटीजन्स बैंक खुला टेनिस प्रतियोगिता आइतबारदेखि हुने भएको छ ।

 

प्रतियोगितामा विभिन्न १३ स्पर्धामा १ सय ५४ खेलाडीको सहभागिता रहने आयोजकले जनाएको छ । पुरुष÷महिला सिंगल्स र डबल्स तथा पुरुष भेट्रानतर्फ ३५ वर्षमाथि, ४५ वर्षमाथि, ५५ वर्षमाथि र ६५ वर्षमाथि सिंगल्स र डबल्समा खेल हुनेछ । पुरुष भेट्रान ७० वर्षमाथि सिंगल्समा प्रतिस्पर्धा हुनेछ ।

 

नेपाल टेनिस संघको सहयोगमा हुने लागेको प्रतियोगिताको सबै स्पर्धामा नगद पुरस्कार राखिएको छ । कुल पुरस्कार राशी ६ लाख ६५ हजार रुपैयाँ रहेको छ । साताव्यापी प्रतियोगिताका खेलहरु त्रिपुरेश्वर र भद्रकालीस्थित आर्मीको टेनिस कोर्टमा खेलाइने छ ।