एसिसी यू–१६ पूर्वी क्षेत्रिय कप वितेजा टोलीलाई जनही ५० हजार पुरस्कार दिने क्यानको घोषणा
काठमाडौंँ । नेपाल क्रिकेट संघ (क्यान)ले एसिसी यू–१६ पूर्वी क्षेत्रिय कप क्रिकेटको उपाधि विजेता नेपाली क्रिकेट खेलाडीहरूलाई जनही ५० हजार रुपैयाँका दरले पुरस्कार दिने घोषणा गरेको छ ।
विजेता टोलीका लागि बिहीवार आयोजना गरिएको सम्मान कार्यक्रममा क्यानले विजयी टोलीका प्रत्येक खेलाडी र पदाधिकारीलाई जनही ५० हजार नगद पुरस्कार दिने घोषणा गरेको हो । उक्त कार्यक्रममा क्यानका कोषाध्यक्ष रोशनकुमार सिंहले युवा क्रिकेटरहरुलाई उपलब्धिको लागि बधाई दिँदै आगामी दिनमा सफलताको कामना गरेका थिए ।
प्रतियोगिताको फाइनल खेलमा नेपालले मलेसियालाई दुई सय २१ रनले पराजित गर्दै उपाधि जितेको थियो । नेपालले लगातार तेस्रो पटक उक्त उपाधि जितेको हो । नेपालले यसअघि सन् २०१७ मा सिङ्गापुरलाई तथा सन् २०१९ मा मलेसियालाई हराउँदै उपाधि जितेको थियो ।
Write A Comment