लेख विवरण

काठमाडौं । अष्ट्रेलियाविरुद्ध फेब्रुअरी ११ बाट सुरु हुने पाँच खेलको टी २० सिरिजका लागि श्रीलंकाले दानुष्का गुनाथिलाकालाई आफ्नो टोलीमा समावेश गरेको छ । इङ्ल्यान्डमा कोभिड १९ प्रोटोकल उल्लंघन गरेको कारण निलम्बनमा परेपछि टोलीमा गुनाथिलकालाई राखिएको यो पहिलो पटक हो। जिम्बावे विरुद्धको एकदिवसीय खेलमा निलम्बनमा परेर फर्केका कुसल मेन्डिसले पनि टोलीमा स्थान पाएका छन् ।

टोलीबाट बाहिरिने खेलाडीहरुमा भानुका राजपाक्षे र धनञ्जय डि सिल्भा रहेका छन् । मध्यक्रमका खेलाडी राजापाक्षेले टी–२० विश्वकपमा श्रीलंकाका लागि महत्वपूर्ण भूमिका खेलेका थिए ।

टोलीमा शीर्ष क्रमका ब्याट्सम्यान जेनिथ लियानागे, सीमर नुवान थुसारा र ओपनर कामिल मिश्रा जस्ता अनक्याप्ड खेलाडीहरु समावेश भएका छन्। थुसारा र लियानागेलाई श्रीलंकाको घरेलु टी–२० लिगमा प्रभावशाली प्रदर्शनका कारण छनोट गरिएको छ ।

लंका प्रिमियर लिगमा फिनिशरको रूपमा फस्टाएका दिनेश चण्डिमललाई पुनः टोलीमा समावेश गरिएको छ । ह्यामस्ट्रिङको चोटका कारण जिम्बाब्वे विरुद्धको एकदिवसीय खेल गुमाएका वानिन्दु हसरङ्गा फेरि आफ्नो स्पिन आक्रमणको नेतृत्व गर्न टोलीमा फर्किएका छन् । टोलीमा अन्य स्पिनरहरुमा महेश थेक्षाना, जेफ्री भान्डरसे र रमेश मेन्डिस रहेका छन्।

दुष्मन्थ चमेराले अस्ट्रेलियामा श्रीलंकाका लागि पेस बलिङ आक्रमणको नेतृत्व गर्ने अपेक्षा गरिएको छ । लाहिरु कुमारा, चमिका करुणारत्ने, बिनुरा फर्नान्डो, शिरन फर्नान्डो र थुसाराले उनलाई अर्को इन्डबाट सहयोग गर्नेछन्। भ्रमणका लागि चरित असालान्कालाई फेरि उपकप्तानमा नियुक्त गरिएको छ । ब्याटिङ अर्डरमा पथुम निसान्का, अविष्का फर्नान्डो, कुसल मेन्डिस र दिनेश चण्डिमलको प्रमुख भूमिका रहनेछ।

श्रीलंकाले शृंखलाको पहिलो टी-२० जनवरी ११ मा सिड्नीमा खेल्नेछ भने त्यसपछिका खेलहरु क्रमशः क्यानबेरा र मेलबर्नमा हुनेछ।

अष्ट्रेलिया भ्रमणका लागि श्रीलंकाको टोली : दासुन शनाका (कप्तान), चरित असालान्का (विकेट किपर), अविष्का फर्नान्डो, पाथुम निसान्का, दनुष्का गुनाथिलका, कुसल मेन्डिस, दिनेश चन्डीमल, चमिका करुणारत्ने, जानिथ लियानागे, कामिल मिश्रा, रमेश लामाङ, रमेश लामा कुमारा, नुवान तुषारा, दुष्मन्थ चमेरा, बिनुरा फर्नान्डो, महेश थेक्षाना, जेफ्री भान्डरसे, प्रवीण जयविक्रम र शिरन फर्नान्डो ।