लेख विवरण

काठमाडौंँ । युएई क्रिकेट टोलीको छनोट प्यानलले जिम्बाब्वेमा जुन १८ बाट सुरु हुने आईसीसी विश्वकप छनोट २०२३ को लागि १५ सदस्यीय टोली घोषणा गरेको छ । विश्वकपका लागि छनोट खेल १० टोलीबीच हुनेछ । प्रतियोगिताको समूह ए मा नेपाल, वेस्ट इन्डिज, जिम्बाब्वे, नेदरल्याण्ड र अमेरिका रहेका छन् । समूह बी मा श्रीलंका, आयरल्यान्ड, स्कटल्याण्ड, ओमान र युएई रहेका छन् । यी सबै टोलीले भारतमा हुने आईसीसी क्रिकेट विश्वकप २०२३ मा अन्तिम दुई स्थानका लागि प्रतिस्पर्धा गर्नेछन्।

प्रतियोगितामा युएईको कप्तानी मोहम्मद वसीमको हातमा हुनेछ ।

आईसीसी एकदिवसीय विश्वकप २०२३ अक्टोबर–नोभेम्बरमा भारतमा आयोजना हुनेछ। आयोजक भारतले विश्वकपमा सिधै प्रवेश पाएको छ । योसँगै न्युजिल्यान्ड, इंग्ल्याण्ड, बंगलादेश, पाकिस्तान, अष्ट्रेलिया, अफगानिस्तान र दक्षिण अफ्रिकाका टोली पनि २०२३ को विश्वकपका लागि छनोट भएका छन् । प्रतियोगितामा दुई टोली छनोट हुन बाँकी छ ।

विश्वकप छनोटका लागि युएईको टोली : मोहम्मद वासिम (कप्तान), एथान डिसुजा, अली नसीर, वृत्ति अरविन्द, रमीज शहजाद, जवादुल्लाह, आसिफ खान, रोहन मुस्तफा, अयान खान, जुनैद सिद्दीकी, जहूर खान, संचित शर्मा, आर्यन शर्मा, कार्तिक मयप्पन र बासिल हमिद।