लेख विवरण

काठमाडौं । टी–२० क्रिकेटको कुरा गर्दा सबैभन्दा पहिले वेस्ट इन्डिजका खेलाडीहरुको नाम आउँछ । क्यारेबियन खेलाडीहरू विश्वका प्रायः टी-२० लिगहरूमा खेल्छन् र विस्फोटक ब्याटिङ गरेर दर्शकहरूलाई मनोरञ्जन दिन्छन्। यस्तै एउटा उपलब्धि वेस्ट इन्डिजका अलराउन्डर रहकेम कोर्नवालले एट्लान्टा ओपन नामको अमेरिकी टी–२० प्रतियोगितामा बनाएका छन् ।

कर्नवालले एट्लान्टा फायरबाट खेल्दै स्क्वायर ड्राइभविरुद्ध टी–२० क्रिकेटमा दोहोरो शतक बनाएका छन् । टी–२० क्रिकेटको इतिहासमा यो पहिलो दोहोरो शतक हो। क्यारेबियन अलराउन्डरले ७७ बलमा २०५ रन बनाएका छन । यस क्रममा उनले १७ चौका र २२ छक्का प्रहार गरे । उनले इनिङ्सको अन्तिम बलमा छक्का प्रहार गर्दै दोहोरो शतक पूरा गरे। यसअघि उनले ४३ बलमा शतक पूरा गरेका थिए ।

पहिले ब्याटिङ गरेको एट्लान्टा फायरले २० ओभरमा एक विकेट गुमाएर ३२६ रन बनाएको थियो । रहकीम कोन्वालका अलावा स्टिभन टेलरले १८ बलमा ५ छक्का र ५ चौकाको मद्दतले ५३ रन बनाए । त्यस्तै तेस्रो नम्बरमा ब्याटिङ गर्न आएका सामी असलमले २९ बलमा ५३ रन बनाए । जवाफमा स्क्वायर ड्राइभको टोलीले २० ओभरमा ८ विकेट गुमाएर १५४ रन मात्रै बनाउन सक्यो । यशवन्त बालाजीले ३८ र वरुण साई मन्थाले ३६ रन बनाए ।

रहकीम कर्नवालले आफू ३६० डिग्री खेलाडी भएको दाबी गर्दे प्रायः हिटिङको अभ्यास गर्ने नगरेको बताए । उनले अहिलेसम्म ६६ टी–२० खेल्दै १४७.४९ को स्ट्राइक रेटमा १ हजार १ सय ४६ रन बनाएका छन् । उनले भने, 'मैले कुनै रेन्ज हिटिङ गरेको छैन र मलाई लाग्छ कि मेरो छक्का प्रहार स्वाभाविक हो। मलाई लाग्छ कि म मैदानको हरेक क्षेत्रमा बलियो छु र म ३६० डिग्रीको खेलाडी हुँ। त्यसैले म शट छनोटमा ध्यान केन्द्रित गर्छु र बल मेरो क्षेत्रमा नआउञ्जेल कुर्ने गर्छु ।'