लेख विवरण

काठमाडौं । नेपाली क्रिकेटर दीपेन्द्र सिंह ऐरी आईसीसीको प्लेयर अफ द मन्थको मनोनयनमा परेका छन। पुरुषतर्फ फेब्रुअरी महिनाका लागि आईसीसीले सार्वजनिक गरेको मनोनयमा अलराउन्डर दीपेन्द्र परेका हुन ।

उनीसँगै पुरुषतर्फको मनोनयनमा यूएईका भृत्या अरविन्द र भारतका श्रेयस ऐयर परेका छन।

ओमानमा भएको आईसीसी पुरुष टी–ट्वान्टी विश्वकप अन्तर्गत ग्लोबल छनोटमा दीपेन्द्रले अलराउन्ड प्रदर्शन गरेका थिए। ब्याटिङ र बलिङमा राम्रो खेल प्रदर्शन गरेका दीपेन्द्र मनोनयनमा परेका हुन ।

प्रतियोगितामा दीपेन्द्रले ६ विकेट र १५९ रन बनाएका थिए । आईसीसीले प्लेयर अफ द मन्थको विजेताको घोषणा भोटिङको आधारमा गर्नेछ। आईसीसीको वेबसाइटमा गएर भोट गर्न सकिन्छ। यहाँ क्लिक गरेर दीपेन्द्रलाई भोट गर्न सकिन्छ

आईसीसीले विजेताको घोषणा हरेक महिनाको दोस्रो सोमबार आफ्नै च्यानलमार्फत गर्नेछ।