लेख विवरण

काठमाडौं । पोखरामा आयोजना हुने नवौं राष्ट्रिय खेलकुद अन्तर्गत महिला क्रिकेट प्रतियोगिताको लागि मधेश प्रदेशले आफ्नो टोली सार्वजनिक गरेको छ । कविता गौतमको नेतृत्वमा सार्वजनिक गरिएको टोलीमा अनुराधा चौधरी, शबनम खातुन, गोमा आले, साना प्रविण, सरस्वती चौधरी र शान्ती चौधरी रहेकी छिन ।

विकेट किपिङको जिम्मा एलिसा यादवले पाउदा प्रियंका गुप्ता, मधु राउत, सन्तोषी चौधरी, रोजी कडारी, मंजु राम र पुष्पा फुयाँले पनि टोलीमा स्थान बनाएकी छिन ।

टोलीको प्रशिक्षकमा सुनिल साह र ब्यवस्थापकमा शोभाकान्त पाण्डे रहेका छन । अत्तिरिक्त खेलाडीमा तुलसि बि.क, आरती चौधरी, अली यादब र मोनिका साह रहेकी छिन ।

राष्ट्रिय खेलकुद प्रतियोगिता गण्डकी प्रदेशमा २०७९ असोज २८ देखि कार्तिक ३ गतेसम्म आयोजना हुदैछ । नवौं राष्ट्रिय खेलकुद अन्तर्गत पुरुष क्रिकेट प्रतियोगिता भने भदौ २३ गतेदेखि काठमाडौंको टियु क्रिकेट मैदानमा सुरुवात भएको थियो। नेपाल पुलिस क्लबले त्रिभुवन आर्मी क्लबलाई ८ विकेटले हराउँदै प्रतियोगिताको पहिलो स्वर्ण जित्न सफल भएको थियो ।