पौडी : ५० मिटर बटरफ्लाईमा एपीएफका तेन्जिङलाई स्वर्ण
काठमाडौं । नवौं राष्ट्रिय खेलकुद अन्तर्गत पौडीको ५० मिटर बटरफ्लाईमा एपीएफ क्लबका तेन्जिङ नामडोल रायन गुरुङले स्वर्णपदक जितेका छन ।
पोखरास्थित फिस्टेल एकेडेमीको पौडी पोखरीमा शनिबार भएको खेलमा तेन्जिङले निर्धारित दूरी २७.५६ सेकेन्डमा पार गर्दै स्वर्ण जितेका हुन ।
एपीएफकै अजल काजी ताम्राकारले २७.६७ सेकेन्डको समय निकाल्दै रजत र आर्मीका अनुभव सुब्बाले २७.६९ सेकेन्डमा दूरी पार गर्दै कांस्य जिते ।
टिप्पणी लेख्नुहोस्