लेख विवरण

काठमाडौं । फिफा विश्वकप २०२२ खेलहरु सुरु भएका छन । यसअघि कतारको अल बायद रंगशालामा एक कार्यक्रमको आयोजना गरी विश्वकपको उद्घाटन समारोह सम्पन्न भएको थियो । उक्त उद्घाटन समारोहमा विश्वका विभिन्न देशका ठूला ठूला कलाकारहरुको सहभागिता रहेको थियो ।

फिफा विश्वकप २०२२ को उद्घाटन समारोहबाट सुरु भएको छ । उद्घाटन समारोहमा विश्वभरका कलाकारहरुको सहभागिता रहेको थियो । यस क्रममा उनीहरुले कतारको अल बायद स्टेडियममा आफ्नो प्रस्तुति दिएर दर्शकलाई मोहित पारे ।

उद्घाटन समारोहमा कोरियाको प्रसिद्ध रक ब्यान्ड बीटीएसले पनि धमाकेदार प्रस्तुति दिएको थियो । यसै क्रममा मस्कट ‘लायब’ ले दक्षिण कोरियाली ब्याण्डका जङकुकका साथै गायक फहाद अल कुबैसीलाई पनि स्वागत गरेको थियो ।

उद्घाटन समारोहमा कतारमा हुन लागेको फिफा विश्वकपको विशाल मस्कट आकर्षणको केन्द्र बनेको थियो । कलाकारहरुले फुटबल मैदानमा मस्कट लगाएर एक्रोब्याटिक्स प्रस्तुत गरेका थिए ।

उद्घाटन समारोहमा कतारी अधिकारीले फिफा अध्यक्ष जियानी इन्फान्टिनोसँग एक पत्रमा हस्ताक्षर गरे। त्यसपछि उनले अरबी भाषामा मन्तव्य दिएर सबैलाई स्वागत गरे । उनको सम्बोधनसँगै फिफा विश्वकप २०२२ सुरु भयो।

उद्घाटन समारोहमा कलाकारहरुले पप स्टार शकिराको गीतमा प्रस्तुति दिएका थिए । यद्यपि साकिरा यस समारोहमा उपस्थित थिएनन्। कलाकारहरुले शकिराको गीत वाका वाकामा प्रस्तुति दिएका थिए ।

फिफा विश्वकप २०२२ को पहिलो खेल आयोजक कतार र इक्वेडरबीच हुने भएको छ । यस प्रतियोगितामा कुल ३२ टोलीको सहभागिता रहेको छ जसमध्ये ६४ वटा खेल हुनेछन् । लिग चरणपछि १६ टोलीले नकआउट चरणमा स्थान पाउनेछन् र प्रतियोगिताको फाइनल खेल १८ डिसेम्बरमा हुनेछ ।