लेख विवरण

काठमाडौं । कतारमा जारी फिफा विश्वकप फुटबलको दोस्रो सेमिफाइनल खेलमा फ्रान्सले पाँचौं मिनेटमा अग्रता लिएको छ । टोलीका लागि थियो हर्नान्डेजले पहिलो गोल गरेका छन । हर्नान्डेजले मोरक्कोका गोलकिपर बुनोउलाई नजिकबाट छल्दै गोल गरे । मोरक्कोको टोली यस विश्वकपमा पहिलो पटक कुनै खेलमा ०-१ ले पछि परेको छ ।

फ्रान्सलाई गोल गर्नबाट रोक्ने मोरक्कोको टोली पाँच डिफेन्डर मैदानमा उतारेको छ । केलियन एमबाप्पे, ओलिभियर गिराउड, एन्टोइन ग्रिजम्यान र ओस्मान डेम्बेले जस्ता फ्रेन्च स्टारहरूले मोरक्कन डिफेन्सलाई कसरी तोड्छन्, त्यो हेर्न बाँकी छ।

फ्रान्स लगातार दोस्रो पटक फाइनल पुग्ने लक्ष्यमा छ । पछिल्लो पटक २०१८ मा टोलीले क्रोएसियालाई हराएर उपाधि कब्जा गरेको थियो । योसँगै मोरक्को फाइनल पुग्ने पहिलो अफ्रिकी टोली बन्न चाहन्छ ।

फ्रान्सेली टोलीले मोरक्कोसँग एक खेल पनि हारेको छैन। यी दुई टोलीबीच अहिलेसम्म पाँच खेल भइसकेका छन् । यस अवधिमा फ्रान्सले तीन खेल जितेको छ भने दुई खेल बराबरीमा सकिएको छ । यी दुईको अन्तिम भेट सन् २००७ मा भएको थियो ।

फ्रान्स सातौं पटक विश्वकपको सेमिफाइनल खेल्दैछ । टोली सुरुवाती तीन सेमिफाइनल ९१९५८, १९८२ र १९८६० मा पराजित भएको थियो । फ्रान्सले पछिल्लो तीन सेमिफाइनल ९१९९८, २००६ र २०१८० जितेको थियो।