लेख विवरण

काठमाडौंँ । युएई र वेस्ट इन्डिजले आगामी विश्वकप छनोटको तयारीका लागि अर्को महिना शारजाहमा तीन खेलको एकदिवसीय शृङ्खला खेल्ने भएको छ ।

शृङ्खलाका खेलहरु जुन ५, ७ र ९ तारिखमा हुनेछ । एकदिवसीय शृङ्खलापछि दुवै टोली जुन १८ देखि जुलाई ९ सम्म हुने छनोट प्रतियोगिताका लागि जिम्बावे प्रस्थान गर्नेछन् ।

छनोट प्रतियोगितामा कुल १० टोलीले भाग लिनेछन्, जसमा दुई टोली भारतमा खेलिने २०२३ ओडीआई विश्वकपमा प्रवेश गर्नेछ।

'हालका महिनाहरूमा, हाम्रो टोलीले एकदिवसीय ढाँचामा राम्रो प्रदर्शन गरेको छ जसले युएई क्रिकेटको प्रोफाइल बढाउन मद्दत गरेको छ' इमिरेट्स क्रिकेट बोर्डका महासचिव मुबाश्शिर उस्मानीले भने। 'जिम्बाब्वेमा हुने प्रतियोगिताको तयारीका लागि हामीले यो श्रंखला आयोजना गर्न लागेका हौं । यो शृङ्खलाले पक्कै पनि हाम्रो टोलीलाई विश्वकप छनोटमा राम्रो प्रदर्शन गर्न मद्दत पुग्नेछ ।'

वेस्ट इन्डिज क्रिकेटका निर्देशक जिमी एडम्सले भने, 'युएई विरुद्ध हाम्रो पहिलो द्विपक्षीय भ्रमण हो र हामी यस ऐतिहासिक तीन खेलको एकदिवसीय शृंखलामा सहभागिता जनाउन पाउने भएकोमा खुसी छौं किनभने यसले हाम्रा खेलाडीहरूलाई राम्रो खेल्ने मौका दिनेछ। हामीले आईसीसी विश्वकप छनोटको तयारी अगाडी बढाएका छौं ।'