लेख विवरण

मोरङ । प्रदेशमा क्रिकेट खेलको खस्किँदो अवस्थालाई वृद्धि गर्न र युवालाई आकर्षण जगाउन विराटनगरमा नेपाल र भारतका टोली सम्मलित ‘मिल्स कप क्रिकेट’ प्रतियोगिता यही फागुन २० गतेदेखि सुरु हुने भएको छ ।

मिल्स क्रिकेट क्लब एण्ड एकेडेमीले आयोजना गर्ने प्रतियोगितामा नेपालका र भारतका १६ टोलीले सहभागिता जनाउने भएका छन । प्रतियोगिताका खेलहरु विराटनगरको जुट मिल क्रिकेट खेल मैदानमा हुनेछ । एकेडेमीका अध्यक्ष मुरारी चौधरीले नक आउटका आधारमा टि–२० क्रिकेट प्रतियागितामा कटिहार क्रिकेट क्लब (भारत), जोगबनी क्रिकेट क्लब (भारत), भैरहवा क्रिकेट क्लब, जनकपुर क्रिकेट क्लब, बोस्टन क्रिकेट क्लब झापा, होराईजन क्रिकेट क्लब विराटनगर, विराट क्रिकेट क्लब एण्ड एकेडेमी विराटनगर, मिल्स क्रिकेट क्लब विराटनगर रहेको जानकारी दिए ।

यसैगरी पूर्णिया क्रिकेट क्लब (भारत), कानपुर क्रिकेट क्लब (भारत), काठमाडौँ क्रिकेट क्लब, सिरहा क्रिकेट क्लब, सुनसरी–११ क्रिकेट क्लब, पूर्वाञ्चल क्रिकेट क्लब विराटनगर, प्याट्रिक क्रिकेट क्लब झापा, एमसिसिए विराटनगर गरी १६ टोलीको सहभागिता रहने छ ।

प्रतियोगिताका विजयी हुने प्रथम हुने टोलीलाई नगद रु एक लाख ११ हजार, दोस्रोलाई रु ५१ हजार र अन्य विभिन्न विधामा उत्तकृष्ट हुने खेलाडीलाई नगद पुरस्कारको व्यवस्था गरिएको छ ।