लेख विवरण

काठमाडौं । दक्षिण अफ्रिकाले आइतबार जोहानेसबर्गमा नेदरल्यान्ड्सलाई १४६ रनले पराजित गरेसँग वेस्ट इन्डिज एकदिवसीय विश्वकपमा सिधै छनोट हुनबाट चुकेको छ । वेस्ट इन्डिजले अब विश्वकपमा स्थान बनाउन नेपाल, ओमान, स्कटल्याण्ड लगायताका अन्य टोलीसँग विश्पकप छनोट प्रतियोगिता खेल्नु पर्नेछ । विश्पकप छनोट प्रतियोगिता अगामी जुन १८ देखी जुलाई ९ सम्म जिम्बाब्बेमा हुने भएको छ । प्रतियोगिताको शिर्ष २ मा रहने टोलीले भारतमा हुने एकदिवसीय विश्वकपमा स्थान बनाउने छ ।

दक्षिण अफ्रिकाले पनि अब एकदिवसीय विश्वकपमा सिधै स्थान बनाउन आयरल्याण्ड र बङलादेशबीचको खेलको नतिजा कुर्नु पर्नेछ । आयरल्याण्ड र बङलादेशबीचको एकदिवसीय श्रंखला अगामी महिनामा हुनेछ । नेदरल्यान्ड्सलाई पराजित गरेपछि दक्षिण अफ्रिका आईसीसी विश्वकप सुपर लिगको आठौं स्थानमा उक्लन सफल भएको छ । वेस्ट इन्डिज अंक तालिकाको ९ औं झरेको छ । एकदिवसीय विश्पकप सुपर लिगको उत्कृष्ट आठमा रहने टोलीले सिधै विश्वकपमा छनोट हुने प्रावधान रहेको छ । सुपर लिगबाट यसअघि श्रीलंका, जिम्बाब्बे र नेदरल्याण्ड बाहिरि सकेको छ ।

ICC Men's Cricket World Cup Super League – Standings