श्रीलंकाको टेष्ट कप्तानी छोड्न चाहन्छन् करुणारत्न
काठमाडौंँ । दिमुथ करुणारत्नले अर्को महिना आयरल्याण्डविरुद्धको सिरीजपछि टेस्ट कप्तानबाट राजीनामा दिन चाहेका छन् । यस बिषयमा उनले श्रीलंकाका चयनकर्तासँग कुरा गरेका छन् तर उनको राजीनामा स्वीकृत भएको छैन । चार वर्ष कप्तानी गरिसकेपछि र डब्ल्यूटीसी सिजन पूरा गरेपछि, करुणारत्न अप्रिलमा ३५ वर्षको हुनेछन् र अर्को सिजनको कप्तानी युवा टोलीलाई सुम्पन चाहन्छन्।
उनले भने, 'मैले आयरल्यान्ड सिरिजपछि कप्तानी छोड्ने बारे चयनकर्ताहरूसँग कुरा गरेको छु। अर्को डब्ल्यूटीसी सिजनमा हामीसँग दुई वर्ष हुनेछ। र मलाई लाग्छ कि अहिले नयाँ कप्तान छनोट गर्ने समय हो, किनभने अर्को नयाँ कप्तान पाएको खण्डमा मेरो पनि आधा काम पूरा हुनेछ। मैले चयनकर्ताहरूसँग कुरा गरेको छु तर उनीहरूले अहिलेसम्म कुनै प्रतिक्रिया दिएका छैनन्। मेरो प्राथमिकता आयरल्याण्डविरुद्धको सिरीजपछि नयाँ कप्तानलाई कप्तानी सुम्पने हो।'
श्रीलंका कठिन चरणबाट गुज्रिएको स्थितीमा करुणरत्नले टोलीलाई स्थायित्व दिएका थिए । उनको सबैभन्दा ठूलो उपलब्धि सन् २०१९ मा दक्षिण अफ्रिका विरुद्धको घरेलु जित थियो, कप्तानको रूपमा उनले पहिलो शृंखला जितेका थिए। इंग्ल्याण्ड र अष्ट्रेलिया बाहेक कुनै पनि टोलीले दक्षिण अफ्रिकालाई घरेलु मैदानमा हराउन सकेको छैन ।
उनको कप्तानीमा श्रीलंकाले समग्रमा १० जित, १० हार र ६ बराबरी खेलेको छ । उनीभन्दा अगाडी अर्जुन रानातुंगा, महेला जयवर्धने र एन्जेलो म्याथ्युजले मात्र धेरै टेस्ट जितेका छन्। उनीहरुले ३४ भन्दा बढी टेस्टमा श्रीलंकाको लागि कप्तानी गरेका थिए ।
श्रीलंकाले अर्को सिजन घरेलु मैदानमा मात्र दुई टेष्ट शृंखला खेल्ने भएकाले करुणारत्न अब ब्याटिङमा ध्यान दिन कप्तानी त्यागेर विदेश भ्रमणमा जान चाहन्छन् । उनले भर्खरै न्यूजिल्याण्ड विरुद्धको सिरिजमा चार इनिङ्समा तीन अर्धशतक बनाएका थिए ।
श्रीलंकाले डब्ल्यूटीसीमा छ वटा टेस्ट खेल्न बाँकी छ ।
करुणरत्नले भने, 'मैले आठ महिनापछि टेस्ट खेलेको छु। यस बीचमा मैले अष्ट्रेलियाको ग्रेड क्रिकेटको चारदिने म्याचमा एउटा इनिङ मात्र खेलेको थिएँ। राम्रो सुरुवात गरेपछि ठूला रन बनाउने खेलाडीमध्ये म एक हुँ, त्यसैले मसँग अब धैर्यता छैन जस्तो देखिन्छ र घरेलु क्रिकेटमा फर्केर सुधार गर्न चाहन्छु। आठ महिनापछि मैले यहाँ केही रन बनाएको छु तर धेरै रन बनाउन सकिन्थ्यो। मलाई लाग्छ कि म अर्धशतकलाई शतकमा परिणत गर्न सक्थें। तर मैले अवसर गुमाए।'
टिप्पणी लेख्नुहोस्