लेख विवरण

काठमाडौंँ । हङझाउ एसियाली खेलकुदअघि भारतीय जुडो टोलीका ५ खेलाडी डोप टेस्टमा फेल भएका छन् ।

अप्रिल ४ मा दिल्लीको इन्दिरा गान्धी स्टेडियममा भएको ट्रायलमा यी सबैको नमूना लिइएको अंग्रेजी पत्रिका न्यू इन्डियन एक्सप्रेसले दाबी गरेको छ । जसको अनुसन्धान प्रतिवेदन अहिले आएको छ । उक्त प्रतिवेदनपछि ५ खेलाडीमाथि अस्थायी प्रतिबन्ध लगाइएको छ ।

भारतीय टोलीका मुख्य प्रशिक्षक यशपाल सोलंकीले यसबारे रिपोर्टबाटै थाहा पाएको बताएका छन् । यी मध्ये केही खेलाडीको भोपालमा भएको शिविरको शुरुवाती दिनमा डोप परीक्षण गरिएको थियो । जसको छानबिन प्रतिवेदन भर्खरै आएको छ । क्याम्पमा आउनुअघि खेलाडीले प्रतिबन्धित पदार्थ सेवन गरेको आशंका गरिएको छ ।

यो घटनाले भारतको जुडो संघका पदाधिकारीहरुको कार्यशैलीमा पनि प्रश्न उठाएको छ ।

एसियाली खेलकुदका लागि छनोट भएको जुडो टोलीको राष्ट्रिय शिविर भारतीय खेलकुद प्राधिकरणको भोपाल केन्द्रमा चलिरहेको छ । शिविर मई २० मा सुरु भएको थियो । यस दिन पनि नाडाले नमूना लिएको थियो ।

एशियन च्याम्पियनसिप पदक विजेता मोहसिन गुलाब अली, हर्षदीप ब्रार, स्ट्यान्ड बाय राहुल सेवता र जकार्ता एसियाली खेलकुदमा भारतीय टोलीका सदस्य रहेका अक्षयको डोप परीक्षणमा पोजेटिभ देखिएको छ । अर्का जुडोकीको पनि रिपोर्ट पोजेटिभ आएको छ । यो कुरा खुलासा गर्ने वेबसाइटले पाँचौं खेलाडीको नाम लेखेको छैन।

पहिलो तीन खेलाडीको नमूना भोपालमा लिइएको थियो भने टिममा रहेका अन्य जुडोका खेलाडी र स्ट्यान्ड(बाई खेलाडीको नमुना दिल्लीमा लिइएको थियो ।

एसियाली खेलकुदको राष्ट्रिय ट्रायल दिल्लीमा भएको थियो । जहाँ डोप नमूना लिइएको थियो। त्यसपछि मे २० गतेदेखि भोपालमा टोलीको शिविर आयोजना गरिएको थियो । यही जुन २७ गते फेरि नाडाले डोपको नमूना लिएको थियो । मोहसिन गुलाब अली, राहुल सेवता र हर्षदीप ब्रारको नमूना साई भोपालमा शिविरमा लिइएको थियो भने अक्षय र अनिलको परीक्षणको क्रममा लिइएको थियो।

प्राप्त जानकारीका अनुसार गुलाब अली र हर्षदीप ब्रारको नमूनामा एउटै नुन एसएआरएम ओस्टारिन, राहुलको नमूनामा अक्सान्ड्रोलोन र स्टानोजोलोल र अक्षयको नमूनामा मेटेन्डिनोन पाइएको छ ।

यदि यी खेलाडीले नाडा प्यानलसमक्ष आफू निर्दोष रहेको प्रमाणित गर्न नसकेमा बढीमा ५ वर्षको प्रतिबन्ध लाग्नेछ । हर्षदीपले गत वर्ष स्पेनमा आयोजित एक प्रतियोगिताका क्रममा एक महिलाले आफूमाथि दुव्र्यवहार गरेको आरोप लगाएपछि उनी विवादमा तानिएका थिए ।