लेख विवरण

काठमाडौंँ । हेडिंग्लेमा बिहीबारदेखि सुरु हुने तेस्रो टेस्टका लागि इंग्ल्यान्डले टोलीमा तीन परिवर्तन गरेको छ, जसमा क्रिस वोक्स, मार्क वुड र मोइन अली प्लेइङ ११ मा फर्किएका छन् भने जेम्स एन्डरसन, जोस टङ र घाइते ओली पोप बाहिरिएका छन् ।

इंग्ल्याण्डका कप्तान बेन स्टोक्सले मिडियालाई सम्बोधन गर्नुभन्दा केही समयअघि प्लेइङ ११ को घोषणा गरिएको थियो । पाँच खेलको टेस्ट सिरिजमा इंग्ल्यान्ड २–० ले पछाडी रहेको छ ।

तीन परिवर्तनमध्ये एन्डरसनको बहिर्गमन लगभग निश्चित जस्तै थियो। किनभने उनले एशेज शृंखलाको दुई खेलमा ७५.३३ को औसतमा मात्र तीन विकेट लिएका छन् । यसअघि लर्ड्समा भएको टेस्टमा उनको छोटो बल फाल्ने योजना पनि सफल भएन ।

सेप्टेम्बर २०२१ देखि घरेलु मैदानमा टेस्ट नखेलेका वोक्सले एन्डरसनको स्थान लिएका छन । पोपको अनुपस्थितिमा वोक्सले घरेलु मैदानमा ३५.२५ को औसतमा एक शतक र पाँच अर्धशतक बनाएका छन् । उनले २२.६३ को औसतमा ९४ विकेट पनि लिएका छन ।

"हामी पोपसँग निराश छौं," स्टोक्सले भने। "हामीले १८ महिनामा जे जति उपलब्धि हासिल गरेका छौं, त्यो उहाँले नै महत्वपूर्ण भूमिका निर्वाह गर्नुभएको छ । उपकप्तानको रूपमा यो उनको लागि ठूलो निराशा हो किनकि यो एक ठूलो श्रृंखला हो।"

मोइनको पुनरागमनले इंग्ल्यान्डको तल्लो मध्यक्रमलाई बलियो बनाउनेछ । ह्यारी ब्रुकअब तेस्रो नम्बरमा पोपको भूमिकामा देखिनेछन् । ब्रुकले अहिलेसम्म चार इनिङमा ३३ को औसतमा १३२ रन बनाएका छन् ।

औंलामा चोट लागेका कारण मोइनले लर्ड्स टेस्टमा खेल्न पाएनन्, तर अब उनले पुनरागमन गरेका छन् । उनले सन् २०२१ पछि एजबेस्टनमा पुनरागमन गरेका थिए र अब उनी टेस्ट क्रिकेटमा २०० विकेट लिनबाट मात्र दुई विकेट टाढा छन्।

लर्ड्स टेस्टमा नखेलेका वुडले डिसेम्बरमा पाकिस्तानविरुद्ध खेलेपछि अब खेल्नेछन् । उनले जोश तुङको स्थान लिएका छन ।

इंग्ल्यान्डको प्लेइङ ११ : ज्याक क्राउली, बेन डकेट, ह्यारी ब्रुक, जो रुट, जोनी बेयरस्टो, बेन स्टोक्स (कप्तान), मोइन अली, क्रिस वोक्स, ओली रोबिन्सन, स्टुअर्ट ब्रोड र मार्क वुड ।