लेख विवरण

काठमाडौंँ । एन्डी फ्लावर रोयल च्यालेन्जर्स बैंगलोरको मुख्य प्रशिक्षकमा नियुक्त भएका छन् । आईपीएल २०२३ मा बैंगलोरले गरेको निराशाजनक प्रदर्शन फेरि नदोहोरियोस् भन्ने चाहनाका कारण एन्डी नियुक्त गरिएको बुझिएको छ । एन्डीसंगको सम्झौताको अवधि सार्वजनिक गरिएको छैन।

फ्लावर यसअघि सीपीएलमा सेन्ट लुसिया किंग्सका लागि फाफ डुप्लेसीसँग मिलेर काम गरेका थिए।

फ्लावरले माइक हेसन र सञ्जय बांगरबाट यो जिम्मेवारी लिएका छन्, जो गत सिजनसम्म क्रमशः आरसीबीका क्रिकेट निर्देशक र मुख्य प्रशिक्षक थिए। ईएसपीएनक्रिकइन्फोका अनुसार जुलाईमा हेसन र बांगरको सम्झौता नवीकरण गरिएको थिएन।