लेख विवरण

काठमाडौंँ । पहिलोपटक एसिया कपमा सहभागिता जनाउन नेपाली क्रिकेट टोली पाकिस्तान पुगेको छ । नेपाली टोली आज पाकिस्तानको कराँची पुगेको हो ।

नेपाली टोलीलाई कराँची विमानस्थलमा पाकिस्तान क्रिकेट बोर्ड (पिसीबी) का अधिकारीहरुले स्वागत गरेका थिए । नेपालले केहीदिन कराँची मै एसिया कपको तयारी गर्नेछ । त्यसपछि टोली एसिया कपको उदघाटन खेलका लागि अगस्ट २७ मा मुल्तान प्रस्थान गर्नेछ । प्रतियोगिताको उदघाटन खेल अगस्ट ३० मा नेपालले आयोजक पाकिस्तानको समाना गर्नेछ ।

विमास्थलबाट होटल जाने क्रममा नेपाली टोलीलाई भिभिआइपी सुरक्षा प्रदान गरिएको थियो ।