एपिएफ माथि गण्डकीको ऐतिहासिक जित
काठमाडौंँ। केपी ओली कप राष्ट्रिय टि–२० क्रिकेट प्रतियोगितामा शुक्रबार गण्डकी प्रदेशले सशस्त्र प्रहरी बल (एपिएफ) माथि ऐतिहासिक जित निकालेको छ । एपिएफले दिएको एक सय २ रनको लक्ष्य १९ ओभर ४ बलमा पूरा गर्दै गण्डकीले जित निकालेको हो ।
गण्डकीका लागि मुकेश थापाले सर्वाधिक २५ रनको योगदान दिए । दिनेश बुढा मगरले २४, गौरव विक र अभिषेक थापाले समान ११-११ रन बनाए । बलिङतर्फ एपिएफका अभिनाश बोहराले २ विकेट लिए ।
टस हारेर पहिले ब्याटिङ गरेको एपिएफ १८ ओभर ४ बलमा १ सय १ मा समेटिएको थियो । पहिलो विकेट १७ रन र दोस्रो विकेट १७ रनमा गुमाएको एपिएफका विकेट लगातार गुम्दा ठूलो स्कोर कुनै खेलाडीले बनाउन सकेनन् ।
कप्तान प्रदीप ऐरी २०, असिफ शेख १२, लोकेश बम १२, भुवन कार्की १४ र सुमित महर्जनले १४ रनको योगदान दिए । बलिङतर्फ गण्डकीका कप्तान बिपिन खत्री, अमृत गुरुङ, चन्द्र पौडेल र कमल परियारले समान २ विकेट लिँदा दिनेश बुढामगर र सुदीप अर्यालले १–१ विकेट लिए ।
शुक्रबार बिहान भएको पहिलो खेलमा बागमती प्रदेश सेमिफाइल प्रवेश गरेको छ । कर्णाली प्रदेशलाई ९० रनले पराजित गर्दै बागमतीले सेमिफाइनल यात्रा तय गरेको हो ।
प्रतियोगिताको समूह ‘ए’बाट कर्णाली प्रदेश र मदन भण्डारी स्पोर्टस् एकेडेमी ‘रातो’ प्रतियोगिताबाट बाहिरिएका छन् । प्रतियोगितामा ७ प्रदेशका ७ टिम, विभागीय टिमहरु नेपाल पुलिस, नेपाल आर्मी, एपिएफ र मदन भण्डारी स्पोर्टस एकेडेमीको २ गरी १२ टिमको सहभागिता छ ।
टिप्पणी लेख्नुहोस्