लेख विवरण

काठमाडौंँ । फुटबलको सबैभन्दा ठूलो प्रतियोगिता यूईएफए च्याम्पियन्स लिगको राउन्ड अफ-१६ को ड्र सार्वजनिक भएको छ। प्रतियोगिताको ड्र सोमबार स्विट्जरल्याण्डको न्योनमा रहेको यूईएफए मुख्यालयमा भएको थियो।

राउण्ड अफ-१६ मा समूह चरणका ८ समुहका शीर्ष २ टोली समावेश रहेका छन् । यी टोलीहरू बीच कुल १६ नकआउट खेल हुनेछ। नकआउट खेलहरु फेब्रुअरी १३ र मार्च ५ मा हुनेछ । सबै टोलीबीचको पहिलो लिग फेब्रुअरी १३ मा हुनेछ । दोस्रो लिग अर्थात् निर्णायक खेल मार्च ५ मा हुनेछ ।

यस वर्षको ड्र मा म्यानचेस्टर सिटी र आर्सनलले सहज टोली पाएका छन् । जबकि, स्पेनिस क्लबहरूले ठूला टोलीहरूसँग सामना गर्नुपर्ने देखिन्छ। एफसी बार्सिलोनाले इटाली च्याम्पियन नापोलीको सामना गर्नेछ।

रियल मड्रिडले जर्मन क्लब आरबी लाइपजिगसँग प्रतिस्पर्धा गर्नेछ । लाइपजिग लगातार ३ वर्षदेखि जर्मन लिगको शीर्ष ४ मा रहेको टोली हो । लाइपजिगलाई हराउन गाह्रो छैन, तर यो टोलीलाई सहजै पनि लिन सकिन्न ।

इटालीको क्लब इन्टर मिलानले स्पेनको क्लब एथ्लेटिको मड्रिडको चुनौती सामना गर्नेछ । इन्टर मिलान सन् २०२३ मा भएको प्रतियोगितामा फाइनल पुगेको थियो ।

यूईएफए च्याम्पियन्स लिगमा कुल ३२ टोली सहभागी हुन्छन्। यी टोलीलाई ८ समूहमा विभाजन गरिन्छ । प्रत्येक समूहका शीर्ष २ टोली राउन्ड अफ-१६ मा पुग्छन, जुन नकआउट चरण हो। यो चरणमा कुन टोलीले कोसँग भिड्ने हो भन्ने कुरा पहिल्यै तय भइसकेको हुँदैन।

राउन्ड अफ-१६ को टोलीहरूका लागि ड्र निकालिन्छ । ड्र का लागि तयार पारिएका चिटहरु २ वटा बाउल (कचौरा) मा राखिएको हुन्छ। पहिलो बाउलमा समूहका शीर्ष टोलीहरू हुन्छन भने दोस्रो बाउलमा शीर्ष २ मा पर्ने टोलीहरू समावेश हुन्छन्। बाउल १ का टोलीहरूले बाउल २ का टोलीहरूसँग सामना गर्छन्।

राउण्ड अफ-१६ का खेलहरू २ लिगमा खेलाइन्छ। दुवै टोलीको घरेलु मैदानमा एक–एक खेल हुन्छ । दुबै लिगमा बढी गोल गर्ने टोलीले खेल जित्छ। उदाहरणका लागि, नेपोलीले राउन्ड अफ-१६ मा बार्सिलोनासँग २ खेल खेल्नेछ। पहिलो खेल घरेलु मैदानमा र दोस्रो खेल नापोलीको घरेलु मैदानमा हुनेछ । दुवै खेलमा बढी गोल गर्ने टोलीले जित्नेछ। यदि बार्सिलोनाले एक खेलमा २ गोल गर्यो र अर्को खेलमा नापोलीले २ गोल गर्यो भने खेल अंक बराबरी मानिनेछ र विजेताको निर्णय पेनाल्टीबाट हुनेछ। लिगको विजेता ८ टोली सेमिफाइनलमा प्रवेश गर्नेछन् ।

इंग्लिस क्लब म्यानचेस्टर सिटी च्याम्पियन्स लिगको साविक विजेता हो । सन् २०२३ को च्याम्पियन्स लिगको फाइनलमा इन्टर मिलानलाई हराएर सिटीले पहिलो पटक यो उपाधि जितेको थियो। स्पेनिस क्लब रियल मड्रिडले सर्वाधिक १४ पटक च्याम्पियन्स लिग जितेको छ ।

विश्वको सबैभन्दा ठूलो फुटबल लिग च्याम्पियन्स लिगको यो ३२ औं सिजन हो । यो लिग सन् १९५५–५६ मा सुरु भएको थियो । त्यसपछि युरोपियन युनियन अफ फुटबल एसोसिएसन यूईएफए ले आयोजना गरेको लिगलाई युरोपियन च्याम्पियन्स कपको नाम दिइएको थियो। सन् १९९२ मा नाम परिवर्तन गरी यूईएफए च्याम्पियन्स लिग राखिएको थियो। प्रत्येक सिजन ३२ टोलीहरू यो प्रतियोगितामा भाग लिन्छन्। यी टोलीलाई ८ समूहमा विभाजन गरिएको हुन्छ ।