लेख विवरण

काठमाडौंँ । सन् २०२४ को टी–२० विश्वकप अमेरिका र वेस्ट इन्डिजले आयोजना गर्ने भएका छन् । आइसिसीले यसै वर्षको जुन महिनामा हुने टी–२० विश्वकपबारे ठूलो खुलासा गर्दै प्रतियोगिताको आयोजना गर्ने अमेरिकाले अस्थायी तयारी गर्ने, जसमा मेलबर्नबाट पिच आउने र दर्शकका लागि लस भेगासबाट बस्ने कुर्सी ल्याइने उल्लेख गरेको छ ।

अमेरिकामा हुने टी–२० विश्वकपका लागि ड्रप-इन पिचहरू प्रयोग गरिनेछ, जुन एडिलेड ओभलका क्युरेटर डेमियन हगले तयार पार्नेछन्। अब तपाईको मनमा यो प्रश्न उठ्न सक्छ कि ड्रप-इन पिच भनेको के हो ? ड्रप-इन पिच भनेको त्यस्ता पिचहरू हुन् जुन मैदानबाट टाढा बनाइन्छ र पछि ल्याएर मैदानमा राखिन्छ। यसबाहेक जुन ९ का दिन प्रतियोगिता अन्तर्गत भारत र पाकिस्तानबीचको खेल हुने भएको छ, जसका लागि ३४ हजार दर्शक क्षमताको अस्थायी ग्यालरी निर्माण गरी प्रयोगपछि हटाइने भएको छ ।

आईसीसी इभेन्ट निर्देशक क्रिस टेटलीले भने, "हामी ड्रप-इन पिचहरू प्रयोग गर्नेछौं, जुन पहिले नै निर्माण भइसकेको छ। हामीले एडिलेड ओभलका क्युरेटर डेमियन हगको विशेषज्ञता प्रयोग गरिरहेका छौं, जो यस विषयमा विशेषज्ञ छन्। उनले ट्रेहरू निर्माण र मर्मत गरिरहेका छन्। जो फ्लोरिडामा छन्। खेलहरूका लागि पर्याप्त संख्यामा ट्रेहरू हुनेछन्, जुन न्यूयोर्कमा आवश्यक हुनेछ। साथै, अभ्यास पिचहरूको लागि पनि ट्रे हुनेछ। खेलहरू खेलाइने पिचहरू एकदमै नयाँ हुनेछन्। यस बाहेक पानी परेमा पानी निकासको व्यवस्था पनि गर्दैछौं।"

आईसीसी इभेन्ट निर्देशकले थप भने, "खेल संसारमा जस्तै सबै पूर्वाधारहरू अस्थायी हुनेछन्। संरचनाका केही उपकरणहरू लस भेगासबाट ल्याइनेछ, जसलाई खेलपछि सेटअप गरी हटाइनेछ। अमेरिकामा ३ करोड क्रिकेट फ्यान छन्। र यो तेस्रो ठूलो बजार हो। संरचना निर्माणको काम फेब्रुअरीदेखि सुरु हुनेछ र मेसम्ममा सम्पन्न हुनेछ।"