टेनिस टोली मलेसियाको कुचिङ प्रस्थान
काठमाडौंँ । विश्व जुनियर टिम टेनिस प्रतियोगिता (डब्लुजेटीसी गर्ल्स टिम) फाइनल क्वालिफाइङ इभेन्टमा सहभागी हुन २ खेलाडीसहित ३ सदस्यीय नेपाली टोली शुक्रबार मलेसियाको कुचिङ प्रस्थान गरेको छ ।
मार्च १८ देखि २३ तारिखसम्म हुने प्रतियोगितामा शिभाली गुरुङ र स्वस्तिका विष्टले नेपालको चुनौती प्रस्तुत गर्ने छन् । सरावक लनटेनिस संघको आयोजनामा हुन लागेको टिम प्रतियोगितामा सहभागीले २ सिंगल्स र १ डबल्स स्पर्धा खेल्नु पर्ने नेपाल टेनिस संघका कार्यालय सचिव प्रवीण देवकोटाले जनाएका छन् ।
प्रशिक्षकमा कान्छा खड्गे रहेका छन् । टोलीलाई सफलताको शुभकामना दिदै नेपाल टेनिस संघकी अध्यक्ष ज्योति राणाले शुक्रबारै एक कार्यक्रमबीच बिदाइ गरिन् ।
टिप्पणी लेख्नुहोस्