लेख विवरण

काठमाडौंँ । आइपिएल २०२४ को प्लेअफमा पुगेको रोयल च्यालेन्जर्स बैंग्लोरले एलिमिनेटर खेलमा राजस्थान रोयल्सविरुद्ध पहिले ब्याटिङ गर्दै निर्धारित २० ओभरमा ८ विकेट गुमाएर १ सय ७२ रन बनाएको छ । यस खेलमा आरसीबीले ग्लेन म्याक्सवेलबाट ठूलो इनिङको अपेक्षा गरेको थियो, तर उनको ब्याट मौन देखियो । आइपिएलको जारी सिजन म्याक्सवेलका लागि कुनै दुःखद स्वप्नभन्दा कम साबित भएन । राजस्थान रोयल्सविरुद्धको एलिमिनेटर खेलमा म्याक्सवेल गोल्डेन डकमा आउट भएर पेभेलियन फर्किए । उनको एक रनको मूल्य जारी सिजनमा अहिलेसम्म २१ लाखभन्दा बढी रहेको छ ।

यसअघि आइपिएलका लगभग हरेक सिजनमा ब्याटबाट विस्फोटक इनिङस खेलेका ग्लेन म्याक्सवेलले जारी सिजनको १० इनिङ्समा ४३ बलमा ५२ रन मात्र बनाउन सके । म्याक्सवेलको जारी सिजनमा ब्याटिङ औसत ५.८ रहेको छ भने स्ट्राइक १ सय २० रहेको छ । त्यस्तै म्याक्सवेल ४ पटक आफ्नो पारीमा खाता नै नखोली पेभेलियन फर्किए जसमध्ये २ पटक उनी पारीको पहिलो बलमा आउट भएका थिए । म्याक्सवेललाई आरसीबीले ११ करोडभारुमा आफ्नो टिमको हिस्सा बनाएको थियो, जसपछि उनको एक रनको मूल्य जारी सिजनमा हेर्ने हो भने २१ लाख १५ हजार ३ सय ८५ भारु रहेको छ ।

ग्लेन म्याक्सवेल आईपीएलको एक सिजनमा सबैभन्दा धेरै पटक शून्य रनमा आउट हुने दोस्रो खेलाडी बनेका छन् । यो सूचीमा पहिलो स्थानमा जोस बटलरको नाम छ, जो सन् २०२३ को आईपीएलमा राजस्थान रोयल्सको टोलीबाट खेल्दा ५ पटक शुन्यमा रनमा आउट भएका थिए। यो सूचीमा ८ खेलाडी दोस्रो स्थानमा छन् ।

एक सिजनमा धेरै पटक डक आउट भएका खेलाडीहरू :

जोस बटलर – ५ पटक (राजस्थान रोयल्स, सन् २०२३)
हर्शेल गिब्स – ४ पटक (डेक्कन चार्जर्स, सन् २००९)
मिथुन मिन्हास – ४ पटक (पुणे वारियर्स, सन् २०११)
मनिष पाण्डे – ४ पटक (पुणे वारियर्स, सन् २०१२)
शिखर धवन – ४ पटक (दिल्ली क्यापिटल्स, सन् २०२०)
इयोन मोर्गन – ४ पटक (कोलकाता नाइट राइडर्स, सन् २०२१)
निकलस पूरन – ४ पटक (पंजाब किंग्स, सन् २०२१)
दिनेश कार्तिक – ४ पटक (रोयल च्यालेन्जर्स बैंगलोर, सन् २०२३)
ग्लेन म्याक्सवेल – ४ पटक (रोयल च्यालेन्जर्स बैंगलोर, सन् २०२४)