लेख विवरण

काठमाडौंँ । विश्वकपको फाइनलमा भारतले दक्षिण अफ्रिकालाई १७७ रनको लक्ष्य दिएको छ । लक्ष्य पछ्याएको दक्षिण अफ्रिकाले ११ ओभरमा ३ विकेट गुमाएर ९३ रन बनाएको छ ।

दोस्रो ओभरमा जसप्रित बुमराहले रिजा हेन्ड्रिक्सलाई र तेस्रो ओभरमा अर्शदीपले एडेन मार्करामलाई आउट गरे। अक्षरले ट्रिस्टन स्टब्सलाई प्याभिलियन पठाए ।

बार्बाडोसको मैदानमा भारतले पहिले ब्याटिङ रोजेको थियो । रोहित शर्मा, ऋषभ पन्त र सूर्यकुमारको विकेट पावरप्लेमा नै खसेका थिए । कोहलीले ७२ र अक्षर पटेलले ४७ रनको इनिङ खेले । शिवम दुबेले तीव्र गतिमा २७ रन बनाएर स्कोर १७६ मा पुर्याए ।

दक्षिण अफ्रिकाका स्पिनर केशव महाराज र एनरिक नोर्त्याले २–२ विकेट लिए । कागिसो रबाडा र मार्को जान्सनले एक–एक विकेट लिए ।