लेख विवरण

उर्लाबारी, मोरङ —

उर्लाबारी नगरपालिका–६ स्थित राधिका माध्यमिक विद्यालयकी फुटबल खेलाडी पूर्णिमा राई आगामी साफ अण्डर–२० महिला च्याम्पियनसिप २०२५ का लागि नेपाली राष्ट्रिय टिममा छनोट भएकी छन्।

नवोदित प्रतिभा पूर्णिमाले आफ्नो मेहनत, लगनशीलता र उत्कृष्ट प्रदर्शनमार्फत राष्ट्रिय स्तरमा स्थान बनाउँदै मोरङ र विशेषगरी उर्लाबारीको नाम उज्यालो बनाएकी हुन्।

उनको यो उपलब्धिले उर्लाबारी क्षेत्रका युवाहरूका लागि प्रेरणाको स्रोत बनेको छ भने राधिका मावि, खेल प्रशिक्षक, परिवार र स्थानीयवासीहरूमा उत्साह थपिएको छ।

स्थानीय स्तरमा विकास भइरहेको महिला फुटबलको क्षेत्रमा पूर्णिमाको सहभागिता ऐतिहासिक मानिएको छ।