लेख विवरण

न्यू जर्सी, अमेरिका | फिफा क्लब विश्वकप २०२५ को समूह चरण सकिएसँगै प्रतियोगिता अब उच्च दावाबको नकआउट चरणतर्फ अघि बढेको छ। कुल आठ समूहबाट शीर्ष दुई टोलीहरू छनोट भएसँगै अन्तिम १६ मा स्थान सुरक्षित गर्ने क्लबहरूको नाम सार्वजनिक गरिएको छ।

नकआउट चरण जुन २८ देखि जुलाई १ सम्म सञ्चालन हुनेछ, जहाँ टोलीहरूले एकअर्काविरुद्ध "गर वा मर" को स्थितिमा भिड्नुपर्नेछ। यीमध्ये केवल ८ टोली मात्र क्वार्टरफाइनल सम्म पुग्नेछन्, जसको मिति जुलाई ४ र ५ तय गरिएको छ।

नयाँ स्वरूपमा झनै रोमाञ्चकता

यसपटकको क्लब विश्वकपको विस्तारित ढाँचाले प्रतियोगितामा युरोप, दक्षिण अमेरिका, उत्तर अमेरिका लगायतका शक्ति उदाउँदै गरेका क्लबहरूलाई सहभागी गराएको छ, जसले फुटबलप्रेमीहरूलाई विश्वस्तरीय खेल हेर्ने अवसर दिएको छ।

अहिलेसम्म अन्तिम १६ मा स्थान बनाएका क्लबहरू

• बायर्न म्युनिख (जर्मनी)

• सिआर फ्लामेङ्गो (ब्राजिल)

• युभेन्टस (इटाली)

• म्यानचेस्टर सिटी (इङ्ग्ल्याण्ड)

• बोटाफोगो (ब्राजिल)

• पेरिस सेंट जर्मेन (पिएसजी) (फ्रान्स)

• पाल्मेइरस (ब्राजिल)

• इन्टर मियामी (अमेरिका)

अझै ८ टोली बाँकी रहेका छन्, जसको छनोट आउँदो केही दिनमा हुनेछ।

मेटलाइफ स्टेडियममा हुने फाइनलसम्म पुग्न टोलीहरूले कठिन परीक्षा दिनुपर्नेछ। यसपटकको क्लब विश्वकपले युरोपेली प्रभुत्वलाई चुनौती दिने दक्षिण अमेरिकी क्लबहरू र अमेरिकी टोलीहरूको उभार देखाएको छ, जसले प्रतियोगिता अझ रोचक बनाएको छ।