लेख विवरण

काठमाडौं — नेपाल प्रहरीमा सहायक हवल्दार पदमा रहेका चर्चित क्रिकेटर दीपेन्द्रसिंह ऐरीले प्रहरी सेवाबाट राजीनामा दिएका छन्।

दीपेन्द्रसिंह ऐरीले १९ औं एसियन गेम्समा टी-ट्वेन्टी क्रिकेटमा ६ वटा छक्का हानेर विश्व रेकर्ड कायम गरेका थिए। त्यसपछि उनलाई प्रहरी जवानबाट सहायक हवल्दारमा बढुवा गरिएको थियो। उनी २०७३ सालमा नेपाल प्रहरी जवानको रूपमा सेवा सुरु गरेका थिए।

घरेलु क्रिकेटमा नेपाल पुलिस क्लबको कप्तानी समेत गर्दै आएका ऐरीले व्यक्तिगत घरेलु कारण देखाउँदै राजीनामा पेस गरेका हुन्। उनको राजीनामा प्रहरी उच्च प्रशासनले स्वीकृत गरिसकेको छ।

यसपछि क्रिकेट खेल र व्यक्तिगत जीवनमा नयाँ चरण सुरु गर्ने तयारी गरिरहेका दीपेन्द्रसिंह ऐरीले प्रहरी सेवामा बिताएको समयलाई सम्झँदै आगामी जीवनका लागि शुभकामना व्यक्त गरेका छन्।