लेख विवरण

भद्रपुर, झापा – १३ जुलाई २०२५
भद्रपुर नगरपालिकाले १६औं नगरसभाको अवसरमा हालै सम्पन्न दोस्रो हेटौंडा कप ५s हक्की प्रतियोगितामा प्रथम स्थान हासिल गरेर नगरको नाम उज्यालो पार्न सफल खेलाडी टोलीलाई ट्रफी तथा मायाको चिनो हस्तान्तरण गर्दै विशेष सम्मान प्रदान गरेको छ।

नगरपालिकाका प्रतिनिधिहरूले विजयी खेलाडीहरूलाई ट्रफी, प्रमाणपत्र तथा सम्मानपत्र प्रदान गर्दै उनीहरूको उत्कृष्ट प्रदर्शनप्रति प्रशंसा व्यक्त गरेका थिए। नगर प्रमुखले खेलाडीहरूको योगदानप्रति धन्यवाद ज्ञापन गर्दै खेलक्षेत्रमा अझ सशक्त रुपमा अगाडि बढ्न प्रेरणा दिने खालका शुभकामना व्यक्त गरे।

“तपाईंहरू सबैको सफलता भद्रपुर नगरको गर्वको विषय हो। आगामी दिनहरूमा पनि यस्तै उत्कृष्टता देखाउँदै नगरको गौरव बढाउँदै जानुहोस्,” नगर प्रमुखले शुभकामना दिँदै भने।

कार्यक्रममा नगरका जनप्रतिनिधि, खेलकर्मी, प्रशिक्षक, अभिभावक र विभिन्न क्षेत्रका व्यक्तिहरूको उपस्थिति रहेको थियो।