लेख विवरण

काठमाडौं – नेपाली महिला राष्ट्रिय फुटबल टिमकी बलियो र समर्पित खेलाडी श्री गीता रानालाई संगम क्लब परिवारले आज विशेष स्वागत तथा सम्मान गरेको छ।

नेपाली फुटबलमा उहाँले पुर्‍याएको महत्वपूर्ण योगदानको कदरस्वरूप, क्लबले सम्मानपत्र र मायाको चिनो प्रदान गर्दै गीता रानाप्रति आभार व्यक्त गरेको हो। कार्यक्रममा क्लबका पदाधिकारी, प्रशिक्षक, खेलाडी तथा विभिन्न क्षेत्रका प्रतिनिधिहरूको उपस्थिति रहेको थियो।

संगम क्लबले गीता रानाको निरन्तर मेहनत, लगनशीलता र राष्ट्रप्रतिको समर्पणलाई उच्च सम्मान गर्दै उहाँजस्तो खेलाडीले आगामी पुस्ताका बालबालिकालाई फुटबलप्रति प्रेरित गर्ने विश्वास व्यक्त गरेको छ।

“उहाँको समर्पण र यात्राले नेपाली फुटबलमा एउटा प्रेरणादायी उदाहरण स्थापना गरेको छ,” क्लबको वक्तव्यमा उल्लेख छ।
“हामी उहाँको योगदानप्रति हार्दिक कृतज्ञता प्रकट गर्दछौं र उहाँको आगामी यात्राको लागि शुभकामना व्यक्त गर्दछौं।”

कार्यक्रमको अन्त्यमा संगम क्लब परिवारले गीता रानालाई उज्ज्वल भविष्यको शुभकामना दिँदै निरन्तर सफलताको कामना गरेको छ।