लेख विवरण

म्यानचेस्टर, इंग्ल्याण्ड — साउन ८ गते।
इंग्ल्याण्ड क्रिकेट टिम म्यानचेस्टरमा भारतविरुद्ध जारी टेस्ट खेलमा बलियो स्थितिमा पुगेको छ। शुक्रबार तेस्रो दिनको खेल सकिँदा इंग्लिस टिमले पहिलो पारीमा ७ विकेट गुमाउँदै ५४४ रन बनाउँदै भारतमाथि १८६ रनको सशक्त अग्रता लिएको छ।

कप्तान बेन स्टोक्स ७७ रन र लियम डॉसन २१ रनमा अविजित रहेका छन्। इंग्ल्याण्डका स्टार ब्याट्सम्यान जो रुटले १५० रनको शानदार इनिङ्स खेलेका थिए। उनले ओली पोप (७१ रन) सँग १४४ रनको साझेदारी र स्टोक्ससँग नटआउट १४२ रनको साझेदारी गरेका थिए।

भारतीय बलिङ पक्षबाट रवीन्द्र जडेजा र वाशिंगटन सुन्दरले समान २–२ विकेट, जबकि जसप्रीत बुमराह, मोहम्मद सिराज र अंशुल कम्बोजले १–१ विकेट लिएका थिए। भारतले आफ्नो पहिलो पारीमा ३५८ रनमा अलआउट भएको थियो।