लेख विवरण

काठमाडौं – १७ साउन २०८२ (अगस्ट २, २०२५)

रत्नेश यादवले वि.सं. २०७२ मा विद्यालयबाट खेलाडीको रूपमा कबड्डी यात्रा सुरु गरेका थिए। समयसँगै खेलाडीबाट प्रशिक्षक र अन्ततः रेफ्रीको भूमिकामा प्रवेश गरेका यादवले निरन्तर मिहिनेत गरे तापनि लामो समयसम्म राष्ट्रिय स्तरमा पहिचान स्थापित गर्न कठिनाई भोगे।

“यी वर्षहरूमा मैले निरन्तर मिहिनेत गरेँ, तर मेरा उपलब्धिहरूले मलाई सन्तुष्ट पार्न सकेनन्, न त राष्ट्रिय स्तरमै मेरो पहिचान स्थापित भयो,” रत्नेश भावुक हुँदै सुनाउँछन्।

तर आज, दशकौँको संघर्ष, मिहिनेत र कबड्डीप्रतिको प्रेमले उनलाई राष्ट्रिय तहको मान्यता प्राप्त रेफ्री बनाएको छ। अब उनलाई देशभरका खेलाडी, प्रशिक्षक र खेलप्रेमीहरू कबड्डीमा चिन्छन् र सम्मान गर्छन्।

उनका अनुसार, “यो केवल उपाधि होइन, यो मेरो सपनाको मान्यता हो।”

उनको सफलताले नेपाली खेलकुद क्षेत्रमा लागेका युवाहरूलाई कठिन परिश्रम, धैर्यता र समर्पणले कसरी लक्ष्यमा पुग्न सकिन्छ भन्ने प्रेरणा दिएको छ।

Sportsmala.com परिवारको तर्फबाट रत्नेश यादवलाई हार्दिक बधाई तथा आगामी यात्राका लागि शुभकामना!