लेख विवरण

काठमाडौं, साउन २० गते ।
ला लिगा क्लब गिरोनाले युवा डिफेन्डर भिटोर राइसलाई भित्र्याएसँगै उनको लोन सम्झौतामा एउटा महत्वपूर्ण क्लज सामेल गरिएको छ। ब्राजिली खेल पत्रकार आन्द्रे हेर्नानका अनुसार, म्यानचेस्टर सिटीले आवश्यकता परेमा भिटोर राइसलाई जुनसुकै बेला फर्काउन सक्ने अधिकार सुरक्षित राखेको छ।

राइसलाई आगामी सिजनको लागि गिरोनामा लोनमा पठाइएको हो। यद्यपि, यदि सिटीले आफ्नो टिममा उनको आवश्यक महसुस गर्‍यो भने, ‘रिकल क्लज’ प्रयोग गर्दै उनलाई तत्कालै फिर्ता बोलाउन सक्नेछ।

१८ वर्षीय राइसलाई भविष्यको सम्भावना बोकेको डिफेन्डरको रूपमा हेरिएको छ। म्यानचेस्टर सिटी र गिरोना दुवै सिटी फुटबल ग्रुप अन्तर्गतका क्लब हुन्, जसले गर्दा खेलाडी आदान–प्रदान सहज हुन्छ।

भिटोर राइसको यो स्थानान्तरण सँगै सिटी फुटबल ग्रुपले आफ्नो युवा विकास रणनीति अझ मजबुत बनाउँदै गएको देखिएको छ।