लेख विवरण

लन्डन, अगस्ट ६ — इंग्लिस प्रिमियर लिग क्लब चेल्सीले आफ्नो आक्रमण लाइनलाई पुनःगठित गर्ने योजनाअन्तर्गत म्यान्चेस्टर युनाइटेडका युवा विंगर एलेहाण्ड्रो गार्नाचो र पिएसजीका युवा मिडफिल्डर जावी साइमन्सलाई भित्र्याउने प्रयास तीव्र बनाएको छ।

क्लबले नयाँ प्रशिक्षकको योजनाअनुसार आक्रामक खेलाडीहरूमा व्यापक फेरबदल गर्ने तयारी गरिरहेको छ, र त्यसै क्रममा गार्नाचो र साइमन्स मुख्य प्राथमिकतामा परेका छन्। गार्नाचोले युनाइटेडका लागि पछिल्लो सिजन निकै प्रभावशाली प्रदर्शन गरेका थिए भने साइमन्सले पीएसजीबाट लोनमा विभिन्न क्लबहरूमा खेलेर राम्रो अनुभव बटुलेका छन्।

दुवै खेलाडी भविष्यका लागि दीर्घकालीन लगानीको रूपमा हेरिएको छ, जसले गर्दा चेल्सीले उनीहरूलाई आकर्षित गर्न ठुलो प्रस्ताव राख्नसक्ने अनुमान गरिएको छ।

चेल्सीले हालका दिनमा आफ्नो टोलीमा रणनीति अपनाउँदै आएको छ, र युवा प्रतिभाहरूको खोजीमा जुटिरहेको छ।