लेख विवरण

काठमाडौं । दक्षिण अफ्रिकाका उप(कप्तान एडेन मार्करामले इंग्ल्यान्डविरुद्ध लीड्सको हेडिंग्लेमा भएको तीन खेलको वनडे श्रृंखलाको पहिलो खेलमा मात्र २३ बलमा अर्धशतक बनाउँदै दर्शकहरूलाई मन्त्रमुग्ध पारेका छन्।

मारक्रमले डेब्यु गर्दै गरेका तिव्र गतिका बलर सोनी बेकरलाई लक्षित गर्दै लगातार चौका–छक्का प्रहार गरे। उनको आक्रमक ब्याटिङले दक्षिण अफ्रिकालाई १३२ रनको लक्ष्य सफलता पूर्वक पुरा गर्दै ७ विकेटले जित दिलायो र श्रृंखलामा १–० को अग्रता दिलायो।

मारक्रमले सातौें ओभरमा ५० रनको आंकडा पार गर्दै आफ्नो वनडे करियरको तेस्रो सबैभन्दा तेज अर्धशतक बनाएका छन्। यससँगै उनले इंग्ल्यान्डविरुद्ध दक्षिण अफ्रिकाका लागि सबैभन्दा तेज अर्धशतक बनाउने क्रिस मॉरिसको रेकर्ड पनि तोडे।

पहिलो बलमै मारक्रमले आफ्नो आक्रमकता देखाउदै बेकरको पहिलो ओवरमा तीन चौका प्रहार गरे। दोस्रो ओवरमा दुई छक्का र एक चौकाले इंग्ल्यान्डलाई दबाबमा पार्न सफल भए। अन्ततः उनले सातौं ओवरको अन्तिम बलमा ५० रन पुरा गरे।

मारक्रम र रयान रिकेल्टन बीचको साझेदारीले दक्षिण अफ्रिकालाई इंग्ल्याण्डविरुद्ध १००ं रनको ओपनिङ साझेदारी दिलायो, जुन २०१६ मा हाशिम अमला र क्विन्टन डी कॉकको २३९ रनको साझेदारीपछि पहिलो पटक हो। मार्कराम अन्ततः आदिल राशिदको बलमा ५५ बलमा ८६ रन बनाएर आउट भए।

दक्षिण अफ्रिकाले १८७ बल बाँकी रहँदै खेलमा सहज जीत हात पार्यो। रिकेल्टन र डेवाल्ड ब्रेविस क्रमशः ३१ र ६ रनमा अविजित रहे। इंग्ल्यान्डका तीनै विकेट आदिल राशिदले लिए।

यसअघि दक्षिण अफ्रिकाले पहिले फिल्डिङ रोज्दै इंग्ल्यान्डलाई २५ ओभरमा १३१ रनमा समेट्यो। टोलीका लागि केशव महाराजले चार विकेट लिए भने वियान मुल्डरले तीन विकेट लिए। नांद्रे बर्गर र लुंगी एनगिडीले एक–एक विकेट लिए। इंग्ल्याण्डका लागि जेमी स्मिथ ५४ रन बनाउने शीर्ष स्कोरर रहे।

हेडिंग्लेमा इंग्ल्यान्डले दक्षिण अफ्रिकाविरुद्ध यो दोस्रो सबैभन्दा कम स्कोर बनायो र घरेलु मैदानमा प्रोटियाजको सामना गर्दा पनि दोस्रो सबैभन्दा कम वनडे स्कोर बन्यो। इंग्ल्याण्डका सात जना ब्याटरहरुले दश रनको आंकडा पार गर्न सकेनन्।