लेख विवरण

काठमाडौं, भदौ १६ –
भारतीय क्रिकेटका 'हिटम्यान' रोहित शर्माले टी-२० अन्तर्राष्ट्रिय क्रिकेटबाट संन्यास लिएको एक वर्षभन्दा बढी भइसकेको छ। जून २०२४ मा विराट कोहली र रविन्द्र जडेजासँगै टी-२० विश्वकप जितेर नीली जर्सीलाई विदा गरेका रोहितले बनाएका धेरै कीर्तिमान अझै पनि कायम छन्। तर १ सेप्टेम्बर २०२५ मा तीमध्ये एक कीर्तिमान तोडिएको छ—र त्यो कीर्तिमान तोड्नेकाे नाम हो, युएईका कप्तान मुहम्मद वसीम।

शारजाहमा पाकिस्तान, अफगानिस्तान र युएईबीच भइरहेको त्रिकोणीय टी-२० शृंखला रोचक बन्दै गएको छ। यसै क्रममा युएईका कप्तान मुहम्मद वसीमले अफगानिस्तानविरुद्धको खेलमा दुई ऐतिहासिक कीर्तिमान तोडेका छन्।

पहिलो कीर्तिमान — टी-२० आइ क्रिकेटमा कप्तानको रूपमा सबैभन्दा धेरै छक्का प्रहार गर्ने।

रोहित शर्माले कप्तानीमा १ सय ५ छक्का प्रहार गरेका थिए। वसीमले यो आंकडा पार गर्दै १ सय ६ छक्का बनाएका छन्। उल्लेखनीय कुरा के छ भने,

• रोहितले ६२ पारिमा यो आंकडा बनाएका थिए,

• वसीमले भने केवल ५४ पारिमा नै यो कीर्तिमान तोडे।

सबैभन्दा धेरै छक्का (कप्तानका रूपमा – टि-२० आइ):

1. मुहम्मद वसीम (UAE) – ११० छक्का

2. रोहित शर्मा (भारत) – १०५ छक्का

3. इयोन मोर्गन (इंग्ल्याण्ड) – ८६ छक्का

4. एरन फिन्च (अष्ट्रेलिया) – ८२ छक्का

5. कडोवाकी-फ्लेमिङ (जापान) – ७९ छक्का

कुल T20I छक्कामा पनि वसीम दोस्रो स्थानमा

टी-20 अन्तर्राष्ट्रिय क्रिकेटमा सबैभन्दा धेरै छक्का प्रहार गर्ने खेलाडीको सूचीमा रोहित शर्मा अझै अगाडि छन्, तर वसीम तीव्र गतिमा नजिकिँदैछन्।

• रोहित शर्मा – २०५ छक्का (159 खेल)

• मुहम्मद वसीम – १७६ छक्का (80 खेल)

• मार्टिन गुप्टिल – १७३ छक्का

कप्तानको रूपमा सबैभन्दा धेरै अर्धशतक पनि वसीमको नाम

वसीमले अफगानिस्तानविरुद्धको खेलमा ६७ रनको अर्धशतक बनाए। यो कप्तानको रूपमा उनको १७औं अर्धशतक हो। यससँगै उनले रोहित शर्मा र केन विलियमसन (दुवै – १६ अर्धशतक) लाई पछि पारेका छन्।

कप्तानका रूपमा सबैभन्दा धेरै ५०+ स्कोर (टि-२० आइ):

1. बाबर आजम – २६

2. मुहम्मद वसीम – १७

3. रोहित शर्मा – १६

4. केन विलियमसन – १६

5. एरन फिन्च – १५

बाबर आजमले सबैभन्दा धेरै ५०+ स्कोर कप्तानका रूपमा बनाएका भए पनि उनी हाल पाकिस्तान टिममा छैनन् र एशिया कप टोलीमा पनि समावेश गरिएको छैन।

अफगानिस्तानसँग हार, तर वसीमको प्रदर्शन चम्किलो

यूएई र अफगानिस्तानबीच भएको खेलमा अफगानिस्तानले पहिले ब्याटिङ गर्दै २० ओभरमा ४ विकेट गुमाउँदै १८८ रन बनायो। जवाफमा युएई १५०/८ मा सीमित रह्यो र अफगानिस्तानले ३८ रनले खेल जित्यो।

यद्यपि हारको बाबजुद वसीमले कप्तानका रूपमा व्यक्तिगत प्रदर्शनले सबैको ध्यान ताने। युएई क्रिकेटको भविष्यका लागि उनी एक मजबूत कप्तान र धाकड ब्याट्सम्यानका रूपमा स्थापित हुँदै गएका छन्।