लेख विवरण

अष्ट्रेलिया । बेनी एफसीले आफ्नो १०औं वार्षिकोत्सवको अवसरमा रे कोर्पोरेट ग्रुप फुटबल कार्निवल २०२५ आयोजना गर्ने भएको छ। प्रतियोगिता अब तीन हप्तापछि हुने आयोजकले जनाएको छ।

आयोजकका अनुसार कार्निवलमा फुटबलसँगै रमाइलो गतिविधिहरू, स्वादिष्ट खानेकुरा, खेल, लाइभ संगीत तथा अन्य मनोरञ्जनात्मक कार्यक्रमहरू समावेश हुनेछन्। यसलाई दशक लामो यात्रा, प्रगति र समुदायप्रतिको योगदानलाई उत्सवमय ढंगले मनाउने अवसरका रूपमा लिइएको छ।

कार्यक्रममा खेलाडी, समर्थक र स्थानीय समुदायको व्यापक सहभागिता रहने अपेक्षा गरिएको आयोजकले जनाएको छ।