लेख विवरण

असोज २३, २०८२ — विश्व फुटबलका एक महान् नाम क्रिस्टियानो रोनाल्डो इतिहासमा पहिलो पटक अर्बपति फुटबलर बन्न सफल भएका छन्। ब्लूमबर्ग बिलियनेयर इन्डेक्सका अनुसार, पोर्चुगलका कप्तान र अल नस्र क्लबका स्ट्राइकरको कुल सम्पत्ति $1.4 अर्ब (नेपाली रूपैयाँमा झन्डै १ खर्ब ८५ अर्ब) पुगेको छ।

यस उपलब्धिसँगै, रोनाल्डोले आफुलाई माइकल जोर्डन, लेब्रोन जेम्स, टाइगर वुड्स र रोजर फेडेररजस्ता खेलकुद अर्बपतिहरूको सूचीमा पुर्‍याएका छन्।

२० वर्षको करियर, अर्बौं कमाइ

• रोनाल्डोले सन् २००२ मा स्पोर्टिङ सीपीबाट आफ्नो प्रोफेसनल करियर सुरु गरेका थिए।

• सन् २०२३ सम्म उनले $550 मिलियन (झन्डै £410.4m) तलवका रूपमा कमाएका थिए।

• नाइकीसँग १० वर्षे सम्झौता, जसबाट प्रति वर्ष $18 मिलियन कमाइ — यसबाहेक Armani, Castrol लगायतका ब्रान्डबाट $175 मिलियनभन्दा बढी कमाएका थिए।

सन् २०२३ मा म्यानचेस्टर युनाइटेडबाट विदा भएपछि, रोनाल्डोले साउदी क्लब अल नस्रमा साइन गर्दै इतिहासकै सबैभन्दा महँगो खेलाडी बने।

• प्रारम्भिक सम्झौता: $237.2 मिलियन (झन्डै £177m), बोनससहित

• क्लबको १५% सेयर पनि पाएका थिए

• हालै नयाँ सम्झौता, जसको मूल्य $400 मिलियन (झन्डै £298.5m) रहेको बताइएको छ।

४० वर्ष उमेरमा पनि उत्कृष्ट प्रदर्शन गरिरहेका रोनाल्डोले हालै पोर्चुगलमा आयोजित Football Globes Gala मा भने: “मेरो परिवार भन्छ कि अब तिमीले बिदा लिनुपर्छ। उनीहरू सोध्छन्, '९०० गोल पुगिसक्यो, अझै १,००० गोल किन चाहियो?' तर मेरो मन त्यसरी सोच्दैन।
म अझै राम्रो प्रदर्शन गर्दैछु, क्लब र देशलाई सहयोग गरिरहेको छु। जबसम्म सकिन्छ, म खेलिरहन्छु। जब बिदा लिन्छु, म सन्तुष्ट हुनेछु, किनभने मैले सबै दिएको हुनेछु।”

ब्लूमबर्गका अनुसार, लियोनेल मेस्सीले करियरमा $600 मिलियन (£448m) भन्दा बढी तलब कमाए तापनि उनी रोनाल्डो जस्तै अर्बपति बन्न भने सफल भएका छैनन्। यसको मुख्य कारण ब्रान्ड र व्यापारिक रणनीतिमा रहेको बताइएको छ।

क्रिस्टियानो रोनाल्डोको अर्बपति बन्ने यात्रा केवल फुटबल मैदानमा होइन, व्यापारिक बौद्धिकता, ब्रान्ड मूल्य र ग्लोबल प्रभावको परिणाम हो। खेलकुद र व्यवसाय दुबै क्षेत्रमा उनले देखाएको सफलता धेरै खेलाडीहरूका लागि प्रेरणाको स्रोत बनेको छ।