लेख विवरण

काठमाडौं । क्रिकेट एशोसिएशन अफ द ब्लाइण्ड, नेपाल (CAB, Nepal) ले विश्वकै पहिलो टी–२० दृष्टिविहीन महिला क्रिकेट विश्वकपका खेल तालिका सार्वजनिक गरेको छ। प्रतियोगिता आगामी नोभेम्बर ११ देखि २३, २०२५ सम्म भारतका नयाँ दिल्ली र बेंगलोर तथा श्रीलंकाको कोलम्बोमा हुने तय भएको छ।

यस ऐतिहासिक प्रतियोगिताको भव्य उद्घाटन नयाँ दिल्लीमा हुनेछ, जहाँ भारत र श्रीलंकाबीचको उद्घाटन खेल खेलिनेछ। यस्तै, फाइनल खेल नोभेम्बर २३, २०२५ मा कोलम्बो (श्रीलंका)मा हुनेछ।

यो विश्वकपमा नेपाल, भारत, अष्ट्रेलिया, संयुक्त राज्य अमेरिका (अमेरिका), पाकिस्तान, श्रीलंका र इङ्ग्ल्यान्ड गरी ७ देशका दृष्टिविहीन महिला राष्ट्रिय टोलीहरू प्रतिस्पर्धा गर्नेछन्।

नेपालको टोलीले हालै काठमाडौंमा १० दिने तालिम पूरा गरेको छ र त्यसपछि नोभेम्बर २ देखि ८ सम्म पोखरा क्रिकेट मैदानमा अभ्यास सत्र सञ्चालन गर्ने कार्यक्रम छ।

नेपाल टोलीका खेल तालिका (टी–२० दृष्टिविहीन महिला विश्वकप २०२५):

यो विश्वकपलाई दृष्टिविहीन महिलाको खेल क्षेत्रको इतिहासमा महत्वपूर्ण उपलब्धिका रूपमा हेरिएको छ। प्रतियोगिताले समावेशी खेलकुदको प्रवर्द्धन र महिला सशक्तीकरणमा नयाँ अध्याय थप्ने अपेक्षा गरिएको छ।

क्रिकेट एशोसिएशन अफ द ब्लाइण्ड, नेपालले नेपाली टोलीले विश्वकपमा उत्कृष्ट प्रदर्शन गर्दै देशको गौरव बढाउने विश्वास व्यक्त गरेको छ।