सवित्रा भण्डारीको प्रतिक्रिया : भारतमाथिको जित महत्वपूर्ण, एसिया कप छुट्नु अझै पीडादायी
काठमाडौं । नेपाली महिला राष्ट्रिय फुटबल टिमकी कप्तान सवित्रा भण्डारी (साम्बा) ले पछिल्लो नतिजा र टिमको प्रदर्शनबारे सामाजिक सञ्जालमार्फत प्रतिक्रिया व्यक्त गरेकी छन्।
उनका अनुसार यो साता राष्ट्रिय टोलीका लागि मिश्रित नतिजा रह्यो, तर भारतजस्तो बलियो प्रतिद्वन्द्वीमाथि पुनः जित हासिल गर्नु निकै महत्वपूर्ण उपलब्धि हो।
सवित्राले लेखेकी छन्, “राष्ट्रिय टोलीसँग यो साता मिश्रित नतिजा आयो । तर भारतको चुनौतीलाई फेरि पार गर्नु यो महत्त्वपूर्ण थियो । एसिया कप गुमाउनुको पिडा अझै छ किनकि हामीलाई थाहा छ कि हामी अझ उचाइमा पुग्न सक्षम छौं ।”
उनले आगामी अन्तिम अनौपचारिक मैत्रीपूर्ण खेलका लागि टोलीलाई शुभकामना पनि दिएकी छन्। “अन्तिम अनौपचारिक मैत्रीपूर्ण खेलको लागि टोलीलाई शुभकामना किनकि यसले हाम्रो गहिराइ परीक्षण गर्न मद्दत गर्नेछ,” सवित्राले थपेकी छन्।
नेपालले हालै सम्पन्न मैत्रीपूर्ण खेलहरूमा मिश्रित प्रदर्शन गरेको छ, तर भारतविरुद्धको जितले टोलीको आत्मबल पुनः उकास्ने विश्वास गरिएको छ।
👉 सम्बन्धित समाचार:
टिप्पणी लेख्नुहोस्