जनकपुर बोल्ट्सले नामिबियाका जान निकोल लोफ्टी इटनलाई अनुबन्ध गर्यो
एनपिएलको दोस्रो सिजनका लागि साविक विजेता जनकपुरले चौथो विदेशी खेलाडीको रूपमा इटनलाई टोलीमा भित्र्यायो
काठमाडौँ, कात्तिक २६ गते । नेपाल प्रिमियर लिग (एनपिएल) का साविक विजेता जनकपुर बोल्ट्सले दोस्रो सिजनका लागि नामिबियाका ब्याट्सम्यान जान निकोल लोफ्टी इटनलाई अनुबन्ध गरेको छ।
इटन जनकपुर बोल्ट्समा अनुबन्ध हुने चौथो विदेशी खेलाडी हुन्। यसअघि जनकपुरले श्रीलङ्कन मूलका अमेरिकी क्रिकेटर लाहिरु मिलान्था, दक्षिण अफ्रिकाका वायने पार्नेल र इम्रान ताहिरलाई टोलीमा समावेश गरिसकेको छ।
२१ वर्षीय इटनले नामिबियाबाट ५१ वटा टी–२० अन्तर्राष्ट्रिय खेल खेलेका छन्। उनले अघिल्लो सिजनमा चितवन राइनोजबाट एनपिएल खेलेका थिए।
जनकपुर बोल्ट्स हाल शिवनारायण चन्द्रपालको प्रशिक्षणमा रहेको छ भने टोलीका मार्की खेलाडी आसिफ शेख हुन्।
यस सिजनमा टोलीमा अनिलकुमार साह, ललितनारायण राजवंशी, किशोर महतो, रुपेश सिंह र तुलबहादुर थापामगरले निरन्तरता पाएका छन्।
त्यस्तै, अक्सनमार्फत मयन यादव, आदित्य महता, विकास अग्री र सचिन भट्टलाई टोलीले अनुबन्ध गरेको हो।
आगामी मङ्सिर १ गतेदेखि २७ गतेसम्म हुने एनपिएलमा जनकपुर बोल्ट्ससँगै सुदूरपश्चिम रोयल्स, कर्णाली याक्स, पोखरा एभेन्जर्स, विराटनगर किंग्स, चितवन राइनोज, काठमाण्डु गुर्खाज र लुम्बिनी लायन्स गरी आठ टोलीले प्रतिस्पर्धा गर्नेछन्।
मुख्य अंशहरू:
-
जनकपुर बोल्ट्सले चौथो विदेशी खेलाडीका रूपमा नामिबियाका जान निकोल लोफ्टी इटनलाई अनुबन्ध गर्यो।
-
अघिल्लो सिजन चितवन राइनोजबाट खेलिसकेका इटनले ५१ अन्तर्राष्ट्रिय टी–२० खेल खेलेका छन्।
-
प्रशिक्षक शिवनारायण चन्द्रपाल र मार्की खेलाडी आसिफ शेखको नेतृत्वमा जनकपुर तयार।
-
एनपिएल मङ्सिर १ देखि २७ गतेसम्म आठ टोलीबीच हुने।
टिप्पणी लेख्नुहोस्