एनपिएलमा जनकपुरको पहिलो जित, चितवनलाई पराजित गर्यो
काठमाडौं। नेपाल प्रिमियर लिग (एनपिएल) अन्तर्गत टियु अन्तराष्ट्रिय क्रिकेट मैदानमा सम्पन्न २० औं खेलमा जनकपुर बोल्टसले पहिलो जित निकालेको छ। चितवन राईनोजले दिएको १ सय ७७ रनको लक्ष्य पछ्याउने क्रममा जनकपुरले १७.३ ओभरमा ४ विकेट गुमाउदै १ सय ८० रन बनायो। यो सँगै टोलीले ६ विकेटको जित निकाल्न सफल भयो।
जनकपुरको जितमा ओपनर माज सदाकतले ३० बलमा सवाधिक ६३ रनको पारी खेले। यस क्रममा उनले ६ चौंका र ४ छक्का प्रहार गरे। त्यस्तै अनिल साहले ३६ बलमा ६१ रन बनाए। उनले ४ चौंका र ३ छक्का प्रहार गरे। ओपनर असिफ शेख (१८) र जन निकोलले (११) रन बनाउदा आदित्य महता (१८) र सन्जय कृष्णमुर्ति (५) रनमा अविजित रहे।
चितवनका लागि सोहिल तनवीर, कमल सिंह ऐरि र अमर सिंह रौटेलाले समान १-१ विकेट लिए।
यसअघि टस जितेर ब्याटिङ गरेको चितवनले २० ओभरमा ४ विकेट गुमाउदै १ सय ७६ रन बनाएको थियो। टोलीका लागि ओपनर डविड मलानले सर्वाधिक ८४ रन बनाए। त्यस्तै अर्जुन साउद (५२), सैफ जैब (७) र रवि बोपाराले (३) रन बनाए। कुशल मल्लले १४ बलमा अविजित ३० रन बनाए।
जनकपुरका लागि बलिङमा माज सदाकत, अनिल साह, रुपेश सिंह र जन निकोलले समान १-१ विकेट लिए।
जितसँगै जनकपुरले ५ खेलमा १ जित निकाल्दै २ अंक बटुलेर तालिकाको सातौं स्थानमा उक्लिएको छ। पराजित चितवन ५ खेलमा २ जित सहित अंक तालिकाको चौंथो स्थानमा रहेको छ।
टिप्पणी लेख्नुहोस्