लेख विवरण

काठमाडौं। वेस्ट इन्डिज क्रिकेट बोर्डले जिम्बाब्वे र नामिबियामा आयोजना हुने आईसीसी पुरुष यू–१९ क्रिकेट विश्वकपका लागि १५ सदस्यीय टोली घोषणा गरेको छ। टोलीको नेतृत्व टप–अर्डर ब्याटर जोशुवा डोर्नले गर्नेछन्। प्रतियोगिता जनवरी १५ देखि फेब्रुअरी ६ सम्म सञ्चालन हुनेछ।

डोर्नले गत वर्ष नै आफ्नो फर्स्ट–क्लास डेब्यु गरिसकेका छन्। टोलीको उपकप्तानको जिम्मेवारी अलराउन्डर जोनाथन भान लाङेलाई दिइएको छ।

टोलीमा ज्वेल एन्ड्र्यु पनि समावेश छन्, जो सन् २०२४ संस्करणको यू–१९ विश्वकपमा पनि खेलेका थिए। एन्ड्र्यु वेस्ट इन्डिज पुरुष टोलीका तर्फबाट टी–२० अन्तर्राष्ट्रिय र एकदिवसीय क्रिकेट खेल्ने सबैभन्दा कान्छा खेलाडीको कीर्तिमान राख्ने खेलाडी हुन्।

घोषित टोलीमा सन् २०२५ का क्षेत्रीय प्रतियोगिता र अन्तर्राष्ट्रिय तयारी सिरिजमा प्रभावशाली प्रदर्शन गरेका थुप्रै खेलाडी समेटिएका छन्। वेस्ट इन्डिजले इंग्ल्यान्ड र श्रीलंकाविरुद्ध खेलेका तयारी सिरिज दुवै जितेको थियो, जसले टोलीको आत्मविश्वास थप बढाएको छ।

विश्वकपमा वेस्ट इन्डिज यू–१९ टोलीबाट बलियो प्रदर्शनको अपेक्षा गरिएको छ।

वेस्ट इन्डिज यू–१९ टोली:
जोशुवा डोर्न (कप्तान), ज्वेल एन्ड्र्यु, शमार एप्पल, शाक्वान बेल, ज्याकरी कार्टर, टानेज फ्रान्सिस, आर’जाइ गिटेन्स, भाइटल लावेस, माइका म्याककेन्जी, म्याथ्यु मिलर, इस्रा–एल मोर्टन, जाकिम पोलार्ड, आदियन राचा, कुनाल तिलोकिनी, जोनाथन भान लाङे

रिजर्भ खेलाडीहरू:
ब्रेनडन बुडु, टायरिक ब्रायन, इयारसिन्हो फन्टेन, देशन जेम्स