लेख विवरण

भक्तपुर। प्रधानमन्त्री कप राष्ट्रिय क्रिकेट प्रतियोगिता अन्तर्गत भक्तपुर जिल्ला छनोट प्रतियोगितामा भक्तपुर क्रिकेट सेन्टर विजयी भएको छ। आज भएको खेलमा भक्तपुर क्रिकेट सेन्टरले भक्तपुर नगरपालिका क्रिकेट एसोसियनलाई २ विकेटले पराजित गरेको हो।

पहिले ब्याटिङ गरेको भक्तपुर नगरपालिका क्रिकेट एसोसियनले ५० ओभरको खेलमा २१.४ ओभर खेल्दै १ सय १७ रन बनाउदै अलआउट भयो। टोलीका लागि सौरभ साखर्मिले सर्वाधिक २१ रन बनाए । त्यस्तै विशाल देबकोटा १७ र महेश बोहराले १२ रन बनाए। भक्तपुर क्रिकेट सेन्टरका लागि विशाल साह कानु र प्रिथ गुरागाइले समान ३(३ विकेट लिदा ओमकार पन्तले २ विकेट लिए।

१ सय १८ रनको लक्ष्य भक्तपुर क्रिकेट सेन्टरले ३२.१ ओभरमा ८ विकेट गुमाउदै पुरा गर्यो। टोलीका लागि राजदिप आचार्यले अविजित २७ रनको योगदान दिए। त्यस्तै सदिप कार्की २९ र त्रिशन चौलागाइले ११ रन बनाए। भक्तपुर नगरपालिका क्रिकेट एसोसियनका लागि सक्रिय प्रताप कार्कीले ३ विकेट लिदा भुपेन्द्र आचार्यले २ तथा धिरेन्द्र बस्नेतले १ विकेट लिए। खेलको प्लेयर अफ द म्याच विशाल साह कानु भए।