लेख विवरण

लन्डन (एजेन्सी) – इङ्लिस प्रिमियर लिग २०२५-२६ को उपाधि होडमा म्यानचेस्टर सिटीले आफ्नो पकड बलियो बनाएको छ। आइतबार राति सम्पन्न निकै महत्वपूर्ण खेलमा सिटीले शीर्ष स्थानको आर्सनललाई २-१ गोल अन्तरले पराजित गर्दै उपाधि होडमा ठूलो परिवर्तन ल्याएको हो।

सिटीको जितमा स्टार स्ट्राइकर एर्लिङ हालान्डले दोस्रो हाफमा निर्णायक गोल गरे। खेलको १६औं मिनेटमा रायन चर्कीले गोल गर्दै सिटीलाई अग्रता दिलाएका थिए। तर, त्यसको दुई मिनेटमै आर्सनलका काई हाभर्टजले गोल गर्दै खेल बराबरीमा ल्याए। खेलको ६५औं मिनेटमा हालान्डले सिजनको २३औं गोल गर्दै सिटीलाई महत्वपूर्ण ३ अंक दिलाए। यो जितसँगै सिटीले आर्सनलसँगको अंक दूरी ३ मा झारेको छ भने सिटीले एक खेल कम खेलेको छ।

मर्सिसाइड डर्बीमा लिभरपुलको रोमाञ्चक जित आइतबार नै भएको अर्को खेलमा लिभरपुलले एभर्टनलाई २-१ ले पराजित गर्‍यो। खेलको १०औं मिनेटको इन्जुरी समयमा भर्जिल भ्यान डाइकले हेडमार्फत गोल गर्दै लिभरपुललाई जित दिलाएका थिए। त्यसअघि मोहम्मद सलाहले २९औं मिनेटमा गोल गर्दै लिभरपुललाई अग्रता दिलाएका थिए भने ५४औं मिनेटमा एभर्टनका बेटोले बराबरी गोल फर्काएका थिए। यो गोलसँगै सलाहले लिभरपुलका लागि प्रिमियर लिगमा स्टेभन जेरार्डको नाममा रहेको सर्वाधिक मर्सिसाइड डर्बी गोलको कीर्तिमानसँग बराबरी गरेका छन्।

एस्टन भिल्ला र नटिङ्घम फरेस्टको महत्वपूर्ण जित च्याम्पियन्स लिगको दौडमा रहेको एस्टन भिल्लाले पनि नाटकीय जित दर्ता गरेको छ। भिल्लाले सन्डरल्याण्डलाई ४-३ को गोल अन्तरले हरायो। ट्यामी अब्राहमले इन्जुरी समयको तेस्रो मिनेटमा निर्णायक गोल गरेका थिए।

रेलिगेसनबाट जोगिन संघर्षरत नटिङ्घम फरेस्टले मोर्गन गिब्स-ह्वाइटको ह्याट्रिकको मद्दतले बर्नलीलाई ४-१ ले पराजित गरेको छ। यो जितसँगै फरेस्ट रेलिगेसन क्षेत्रभन्दा ५ अंक माथि उक्लिएको छ।

प्रिमियर लिगको तालिकामा सिटीको पुनरागमन र आर्सनलको खराब लयले यस सिजनको उपाधि होड अन्तिम समयसम्म निकै रोमान्चक हुने देखिएको छ।