फिफाको कडा नियम: अब मैदानमा मुख छोपेर विवाद गरे सिधै 'रेड कार्ड'
काठमाडौं । विश्व फुटबलको सर्वोच्च निकाय फिफाले सन् २०२६ को विश्वकपअघि फुटबल नियममा एउटा महत्वपूर्ण र कडा परिवर्तन गरेको छ । अब फुटबल मैदानमा खेलका क्रममा विपक्षी खेलाडीसँग विवाद गर्दा वा केही भन्दा मुख छोपेमा रेफ्रीले सिधै 'रेड कार्ड' (रातो कार्ड) दिन सक्नेछन् ।
फुटबलमा पछिल्लो समय खेलाडीहरूले विपक्षीलाई गाली गर्दा वा अपमानजनक शब्द प्रयोग गर्दा ओठको हाउभाउ नदेखियोस् भनी हात वा जर्सीले मुख छोप्ने चलन बढेको छ । यसले गर्दा रेफ्री वा क्यामेराले खेलाडीले के भन्यो भन्ने कुरा ठम्याउन कठिन हुने गरेको थियो ।
१. मुख छोपे रेड कार्ड: विपक्षीसँग विवाद गरिरहेको बेला कुनै पनि खेलाडीले आफ्नो मुख छोपेमा रेफ्रीले त्यसलाई शंकास्पद र अनुशासनहीन व्यवहार मान्दै मैदान बाहिर पठाउन (रेड कार्ड दिन) सक्नेछन् ।
२. विरोधमा मैदान छाडे कारबाही: रेफ्रीको निर्णयप्रति असहमति जनाउँदै विरोधस्वरूप मैदान छाडेर हिँड्ने खेलाडी वा टिमका अफिसियललाई पनि सिधै रेड कार्ड दिइनेछ ।
३. विश्वकप २०२६ बाट लागू: यो नियम आगामी २०२६ को विश्वकप (अमेरिका, क्यानडा र मेक्सिको) मा लागू हुने निश्चित भएको छ । अन्य व्यावसायिक लिगहरूले पनि यसलाई विस्तारै कार्यान्वयनमा ल्याउन सक्नेछन् ।
टिप्पणी लेख्नुहोस्