प्रधानमन्त्री कप : हेल्प नेपाल र त्रिभुवन आर्मी क्लबको चौथो जित
काठमाडौं । टिप टप हेल्प नेपाल र त्रिभुवन आर्मी क्लबसातौं प्रधानमन्त्री कप एनभिए महिला तथा पुरुष राष्ट्रिय भलिबल क्लब लिगमा लगातार चौथो जित निकालेका छन् ।
नेपाल भलिबल संघको आयोजनमा भएको लिगमा बुधबार भएको खेलमा टिप टप हेल्प नेपालले नेपाल पुलिस क्लबलाई ३–२ को सेटमा हरायो । हेल्प नेपालले पहिलो सेट २५–२० ले जित्यो । दोस्रो सेट पुलिसले २५–२० ले नै जित्दै खेललाई बराबरीमा ल्यायो ।
तेस्रो सेट हेल्प नेपालले ३०–२८ ले जित्यो । चौथो सेटमा पुलिस २५–१८ ले अगाडि रह्यो । अन्तिम तथा निर्णायक सेट हेल्प नेपालले २४–२२ ले जितेको हो । जितसँगै शीर्षस्थनमा रहेको हेल्प नेपालको १२ अङ्क पुगेको छ ।
अर्को खेलमा आर्मीले एपिएफ क्लबलाई ३–२ को सेटमा हरायो । आर्मी पहिलो सेट एपिएफसँग २५–१८ ले पछि परेको थियो । दोस्रो सेट २६–१६ ले जितेको आर्मी तेस्रो सेटमा २६–२४ ले पछि परेको थियो । चौथो सेटमा २८–२६ ले जित निकाल्दै आर्मीले खेलबराबरीमा ल्यायो । अन्तिम तथा निर्णायक सेटमा १७–१५ को जित निकाल्दै आर्मीले आफ्नो खातामा तीन अङ्क जोडेको हो ।
पुरुषकै अर्को खेलमा सैलुङ्ग बाघढुङ्गा स्पोर्टस् क्लबले दावाँली मिलन क्लबलाई ३–२ को सेटमा हरायो । सैलुङ्गले २५–१९, १४–२५, २२–२५, २५–२१, १५–१३ को जित निकालेको हो ।
थप समाचार :
अन्तर्राष्ट्रिय खेलबाट सन्यासबारे अझै सोचेको छैन : मेस्सी
वादोरियो करातेमा केसीकै निरन्तरता
सन् २०२७ को विश्वकप पछि एकदिवसीय खेल घटाउन सुझाव
Write A Comment