लेख विवरण

काठमाडौँ । अनेरास्ववियु आर आर क्याम्पस कमिटीले आयोजना गरेको प्रथम अनेरास्ववियु आर आर भलिबल कप–२०८० को उपाधि नेपाल कमर्श क्याम्पस काठमाडौँले हात पारेको छ । शनिवार भएको फाइनल खेलमा न्युटन कलेजलाई ४–१ ले पराजित गर्दै नेपाल कमर्श क्याम्पसले उपाधि हात पारेको हो । उपाधिसँगै नेपाल कमर्श क्याम्पसले नगद एक लाख जित्यो । दोस्रो हुने न्युटन कलेजले ५० हजारमा चित्त बुझायो ।

त्यस्तै, त्रिचन्द्र क्याम्पसले बझाङको जयपृथ्वी बहुमुखी क्याम्पसलाई सोझो सेटमा पराजित गर्दै तेस्रो भयो । नेपालभरका २५ वटा क्याम्पसको सहभागितामा भएको प्रतियोगितामा विजयी खेलाडीलाई अनेरास्ववियुका पूर्व अध्यक्ष ऐन महरले पुरस्कार वितरण गरे । असार १८ देखि भएको प्रतियोगितालाई आगामी वर्षसमेत निरन्तरता दिने र पुरस्कार राशिलाई दोब्बर बनाउने अनेरास्ववियु आरआर क्याम्पसका अध्यक्ष लोकेश खड्काले जानकारी दिए ।

थप समाचार :

नेपाली फ्यानले विशेष तरिकाले मनाए क्याप्टेन कुलको जन्मदिन

बंगलादेशलाई पराजित गर्दै अफगानिस्तानले जित्यो एकदिवसीय सिरिज

अफगानिस्तानले बनायो ठूलो कीर्तिमान

विश्वकपबारे निर्णय गर्न प्रधानमन्त्रीद्वारा उच्चस्तरीय समिति गठन