मेजर लिग क्रिकेट : सिएटल ओर्कासले आरोन फिन्चको सान फ्रान्सिस्को युनिकोर्नलाई हरायो
काठमाडौंँ । मेजर लिग क्रिकेटको चौथो खेल सिएटल ओर्कास विजयी भएको छ । सान फ्रान्सिस्को युनिकोर्न्सबीच खेलिएको खेलमा सिएटल ओर्कास ३५ रनले विजयी भएको हो। टस जितेर पहिले ब्याटिङ रोजेको सिएटल ओर्कासले निर्धारित २० ओभरमा ४ विकेट गुमाएर १७७ रन बनाएको थियो । टोलीका लागि हेनरिक क्लासेनले ५३ रनको योगदान दिएका थिए। रन पछ्याउँदै सान फ्रान्सिस्को युनिकोर्न्स १७.५ ओभरमा १४२ रनमा अलआउट भयो।
सान फ्रान्सिस्को युनिकोर्नका लागि ओपनिङमा आएका म्याथ्यु वेड र फिन एलेनले लक्ष्य पछ्याउने क्रममा २८–२८ रन बनाए । वेडले ४ चौका र १ छक्का प्रहार गरे । योसँगै फिन एलेनले ४ चौका र २ छक्का प्रहार गरे । दुवैले पहिलो विकेटका लागि ४२ रन जोडे।
तेस्रो नम्बरमा ब्याटिङ गर्न आएका मार्कस स्टोइनिस धेरै बेर क्रिजमा टिक्न सकेनन् र १० औं ओभरको अन्तिम बलमा १५ रन बनाएर आउट भए । कप्तान आरोन फिन्चले १४ रन बनाए र उनी पनि ११ औं ओभरको दोस्रो बलमा प्याभिलियन फर्किए । त्यसपछि कोरी एन्डरसन पनि १४ औं ओभरको चौथो बलमा १२ रन बनाएर प्याभिलियन फर्किए । यसरी सान फ्रान्सिस्को युनिकोर्नको आधा टोली प्याभिलियन फर्कियो ।
छैटौं नम्बरमा आएका अलराउन्डर शादाब खानले २३ बलमा २ चौका र २ छक्का प्रहार गर्दै ३७ रनको इनिङ खेले । त्यसपछि कुनै पनि ब्याट्सम्यानले दोहोरो अंकमा रन छुन सकेन र टोली १७.५ ओभरमा अलआउट भयो ।
सिएटल ओर्कासका क्यामरन ग्याननले ३.५ ओभरमा २३ रन दिएर ४ विकेट लिए । यसबाहेक एन्ड्रयु टाईले २ तथा इमाद वासिमले २ विकेट लिए । इमाद वासिमले ३ ओभरमा २४ रन र एन्ड्रयु टाईले ३ ओभरमा २७ रन दिए । र हरमित सिंहले ४ ओभरमा १५ रन दिएर १ विकेट लिए ।
थप समाचार :
दोस्रो मैत्रीपूर्ण खेलमा आज नेपाल र बंगलादेश भिड्दै
भारतमा हाम्रो टोली चढे्को बसमा ढुंगा प्रहार भएको थियो : शाहिद अफ्रिदी (भिडीयो)
विम्बल्डन जित्ने पहिलो गैर वरियता खेलाडी बनिन् भोन्ड्रोसोभा
दोस्रो खेलमा स्पष्ट जित निकाल्ने योजनामा नेपाल
टिप्पणी लेख्नुहोस्